Хаартыска: социальнай ситимтэн
Бу күннэргэ Мэҥэ Хаҥалас улууһун Майа сэлиэнньэтин аттыгар хагдаҥ эһэ сылдьарын бултаатылар. Ол туһунан булчут, «Кыымаан» булчут кулуубун салайааччы Александр Тастыгин санаатын үллэһиннэ.
— Майаттан 3-4 килэмиэирдээх сиргэ, сэлиэнньэттэн олох чугас, үстээх-түөртээх атыыр эһэни бултаатыбыт. Күһүн мантан инньэ дэриэбинэҕэ бүтэһик чугаһааһына буолбатаҕа буолуо дии саныыбын. Быйыл, бары билэрбит курдук, сир аһа олох үүммэтэ. Ону тэҥэ, кэнники сылларга эһэ сүрдээҕин элбээтэ.
Билигин ситэри уойбатах эһэ торҕонноон барыаҕа, сири кэрийиэҕэ. Мантан кыһын ханна арҕах булан сытара биллибэт. Ол иһин тыа хаһаайыстыбатынан дьарыгырар дьон, сылгыһыттар, киискэ сылдьар булчуттар сэрэхтээх, бэлэм буолуохтарын наада.
Мантан күһүн торҕоннообут, нууччалыы эттэххэ, «шатун» эһэлэр элбииллэрэ буолуо. Ситэ уойбакка, дэлби хааман, арҕах булбакка, сайылыктарга, үүтээннэргэ, сылгы базаларыгар киириэхтэрин сөп.
Ол иһин Саха сирин олохтоохторо, сэрэхтээх буолуҥ! Биһиэхэ, Мэҥэҕэ эрэ буолбата буолуо, Саха сирин үрдүнэн барытыгар эһэ олус элбээн, кутталы үөскэтэр түгэннэрэ элбиирэ буолуо диэн сабаҕалыыбын.
Биһиги «Кыымаан» питомникка эһэни бултуур ыттары иитиинэн дьарыгырабыт. Ол иһин ыттарбыт өрүү бэлэмнэр, дьон көрдөстөҕүнэ, кэмиттэн кэмигэр итинник тахсан, сылгыһыттарга, пиэрмэрдэргэ эҥин көмөлөһөбүт. Майа дьаһалтатын үлэһиттэрэ эрийэн, чугас эһэ сылдьар диэн көрдөспүттэригэр, кинилэргэ өйөбүл буолан, тахсан, олохтоох булчуттары кытта бултаатыбыт.
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…