Маны билэҕин дуо?  Бит-билгэ

• Киэһэ хойут дьиэҕит муостатын сууйар буоллаххытына, этэҥҥэ сылдьыыгытын, үтүө туруккутун сууйаҕыт.
• Иһиттээх сибэккини бэлэхтээтэхтэринэ, бытархай харчы бэриллиэхтээх — атын сибэккигит үүнүмүөн сөп.
• Алҕаска чүмэчини умуруордахха — ыалдьыттар кэлиэхтэрэ.
• Аһыы олорон алҕас сыыһа ыйыстан күөмэйиҥ кычыгыланнаҕына — ким эрэ бэркэ ыксаан иһэр.
• Ыалдьыттыы сылдьан таҥаскын ааҥҥа кыбыттаххына, ол ыалга өссө ыалдьыттыаҥ.
• Чэйи алҕаска тоҕуу — өйдөспөт буолууга.
• Быһаҕынан аһаама — киҥнээх буолуоҥ.
• Аһыы олорон туус көрдөөтөхтөрүнэ, биэрэргэр мичээрдээ — иирсээни тохтотуоҥ.
• Эбиэт саҕаланыытыгар уонна бүтүүтүгэр туустаах килиэп куһуогун сиир — дьолго.
• Ый туолан турдаҕына, аһы тууһаабаттар да, эрдэттэн бэлэмнээбэттэр да.

«Саха ыалын халандаарыттан, 2015 с.

«Бичик» («Айар») кинигэ кыһата.