Маны билэҕин дуо? Кинигэ туһунан чахчылар

• Саамай уһун ааттаах кинигэ Англияҕа тахсыбыт. Уопсайа 45 устуруока.
• Кинигэ кумааҕыга эрэ буолбакка, эрэһиинэҕэ, сатыыҥҥа, оннооҕор чараас гына тэнитиллибит тиэстэҕэ бэчээттэммит түгэнэ баар эбит.
• Урут Испанияҕа уотунан тыгар буукубалаах хаһыаттар тахса сылдьыбытар. Бу хаһыаттары киһи хараҥаҕа кытта ааҕыан сөбө.
• «Книжный червь» диэн өйдөбүл кинигэ хаҕын сиир үөнтэн баар буолбут.
• Бэйэтин кэмигэр Александрия бибилэтиэкэтэ аан дойду үрдүнэн биир саамай улахан этэ. Пуондата олус дьиктитик хаҥаабыта:  ити эргин пуорка киирэр хас биирдии хараабыл туох кинигэлээҕинэн биэрэн иһэрэ. Бэйэлэригэр куоппуйата хаалара, дьиҥнээҕэ бибилэтиэкэҕэ тиксэрэ. Бу билиҥҥи кинигэлэр курдук буолбакка түрдьэ кумааҕылар (свитоктар) этэ.

«Айар» кинигэ кыһатын халандаарыттан