Маны билэҕин дуо? Таас хайаҕа суруктар-бичиктэр
Саха сиригэр Өлүөнэ, Сиинэ, Өлөөн, Алдан, Амма, Өлүөхүмэ, Марха, Индигир өрүстэр очуостарыгар уонна хаспахтарыгар уопсайа биэс тыһыынчаттан тахса уруһуй булуллубута.
Саамай эрдэтээҥи уруһуйдар 40-50 тыһ. сыл анараа өттүгэр уруһуйдаммыт буолуохтарын сөп диэн суруллар.
Былыргы уруһуйдьуттар үйэлэргэ хаалар гына кытаанах сиргэ уруһуйдууллара. Уруһуйдар үксүлэрэ суураллыбат кыраасканан түһэриллибиттэр — гематиты уонна тимир урууданы үлтү мэлийэн бороһуок оҥорон ылбыт кыһыл соһонон, атына — билигин да быһаарылла илик састааптаах араас өҥнөөх соһонон.
Былыргы дьон олохторо уонна дьарыктара бултан тутулуктааҕа. Кинилэр өйдөрүгэр-санааларыгар кыыллар уһулуччу күүстээхтэрэ уонна таһыччы кыахтаахтара. Онон уруһуйдарга кыыл-сүөл элбэхтик көстөр.
Бу туһунан сиһилии «Якутия удивительная и загадочная» кинигэҕэ көрүөххүтүн сөп. «Якутия удивительная и загадочная» кинигэттэн быһа тардан. («Бичик», 2015 с.)
Манна даҕатан эттэххэ, «Дальний Восток — Земля приключений» куонкуруска кыттарга ыҥыраллар. Сайаапканы ахсынньы 30 күнүгэр диэри ылаллар. Сүрүн бириис – 3 мөл. солк. Бириистээх миэстэҕэ тиксибиттэр 100 тыһ. саҕалаан номинацияларынан бириис ылыаххытын сөп.
Куонкуруска кыттарга интэриэһинэй айан туһунан кылгас киинэ, ролик устан ыытаҕыт. Сэргээбиттэр, сэҥээрбиттэр сиһилии путешественникдв.рф киирэн көрүөххүтүн сөп.
Сообщить об опечатке
Текст, который будет отправлен нашим редакторам: