Маны билэҕин дуо?

Сахалыы оонньуу, дьарык арааһын Үөһээ Дьааҥыга 1867-1876  сс. сыылкаҕа кэлэн олорбут И.А.Худяков аан маҥнай сурукка киллэрбитэ.

Сэһэнтэн, үһүйээнтэн биллэринэн, сахалыы күрэхтэһии ыһыахха XV-XVII үйэҕэ киирбит эбит.

Өрөбөлүүссүйэ кэнниттэн 1932  с. Саха Өрөспүүбүлүкэтэ олохтоммута уон сыла туолуутугар анаан улахан спартакиада ыытыллыбыт.

1934  с. аан маҥнайгынан Ф.С.Андросов «Оонньуулар тустарынан» диэн брошюрата бэчээттэммит.

1945  с. сахалыы успуорт көрүҥнэрин быраабылата бигэргэтиллибит. Тустууну, мас тардыһыытын ыйааһынынан көрөн араарар буолбуттар.

«Бичик» кинигэ кыһатыгар 2009  с. бэчээттэммит «Саха ыалын халандаарыттан»

Хаартыска: СИА архыыбыттан