Марафонец сүүрүүк Василий Горбунов Орто Наахараҕа сүүрэн кэллэ

Гиннес рекордугар киирбит 25 кыраадыс тымныыга сүүрэр Василий Горбунов Ленскэй оройуонун Чамчатыттан Орто Наахараҕа диэри сүүрэн кэллэ. Бу туһунан Чамча нэһилиэгин олохтооҕо Жанна Афанасьева иһитиннэрдэ:

— Василий Михайлович Горбунов биһиги нэһилиэкпитигэр төрөөбүт уонна улааппыт киһи буолар. Билигин Мииринэй оройуонугар олорор. Кини Өймөкөөҥҥө ыытыллыбыт саамай тымныы сүүрүүгэ кыттыбыта. Дойдутугар кэлэн оскуола оҕолорун кытта көрүстэ. Чамчаттан Орто Наахара нэһилиэгэр диэри, ол эбэтэр 26 км сүүрэн тиийдэ. Нэһилиэк олохтоохторо, баһылыкпыт Алексей Эдуардович Тартыев көрүстүлэр. Василий Горбунов бу сүүрүүтүн Орто Наахара 100 сыллаах үбүлүөйүгэр анаата.