Эр хоһуун хотойбут
Силлибэт силистээх ийэ сир оҕото,
Самныбат саргылаах сахабыт уолана,
Эрэнэр эркиммит Эр хоһуун хотойбут
Эн буоллуҥ биһиэхэ туллубат тулуурбут.
Татыйык кэргэниҥ тапталын аатыгар,
Туотаайык чыычааҕыҥ дайарын туһугар
Ийэ сир дойдугун адьарай аймахтан
Иэстэһэ аттанныҥ алаһа дьиэҕиттэн.
Киҥкиниир киэҥ куйаар киэлилээх сирдэргин,
Киэҥ холку таһаалаах талбаарар күөллэргин,
Күөх нуолур хонуулаах өбүгэҥ алааһын
Көмүскүү туруннуҥ- тапталлаах кыраайгын.
Уол оҕо уйана-хатана буолаҥҥын
Уһуктаах өргөһү өрүтэ тутаҥҥын
Уот сэрии буруотун аһыытын амсайдыҥ,
Уйулҕа уһуктар туругун тулуйдуҥ.
Сахабыт сириттэн эҕэрдэ тиэрдэбит,
Саалаахтан самныбат саргыны аныыбыт,
Үс кутуҥ бөҕөргүүр сөрүөнү өрөммүт
Үөһээҥҥи айыыттан алгыһы ыытабыт.
Кыргыһыы хонуутун хорсуннаах хотойо
Кимиэллээх киирсиигэ хотуулаах эн буолаар,
Уот кыһыл былааҕы күөрэччи көтөҕөн
Кыайыыттан кыайыыга дабайан эн тахсаар.
Өстөөҕү өһөрөр өрөгөй үрдээтин,
Өксүөннээх күннэрбит күдэҥҥэ көттүннэр,
Үс саха үөрүүтэ үөрдүһэ үксээтин,
Үйэттэн үйэҕэ күлүмнүү күндээрдин!
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…