Мархаҕа «Ермак» маҕаһыын умайбыт

Ахсынньы 22 күнүгэр киэһэ 21:50 чаас саҕана баһаарынай-быыһыыр сулууспаҕа киин куорат Марха түөлбэҕэ Строд аатынан уулуссаҕа «Ермак» маҕаһыыҥҥа баһаар тахсыбытын туһунан иһитиннэрбиттэр.

Баһаар тахсыбыт миэстэтигэр Саха сиринээҕи баһаарынай-быыһыыр гарнизонун быһааччылара 5 мүнүүтэнэн тиийбиттэр диэн ЫБММ пресс-сулууспата иһитиннэрдэ.

Баһаар содулугар эмсэҕэлээбит дьон суох, маҕаһыын хочуолунайын 75 кв. м. иэнэ уокка былдьаммыт. Баһаар тахсыбыт төрүөтэ — уот боруобата итийэн замыканиялаабыт. Буруйдаах быһаарыллар.Уоту умуруорууга 40 киһи уонна 5 тиэхиньикэ үлэлээбит.