Бүгүн Дьокуускай куорат кытыытыгар сүүнэ улахан (7 тыһ. кв. м. кэриҥэ иэннээх) успуорт комплекса аһылынна. Бу эбийиэк “Газпром – оҕолорго” диэн анал бырагыраама чэрчитинэн дойду биир саамай бөдөҥ хампаанньатын үбүнэн тутулунна.
Ил Дархан бу комплекс аһыллыыта өрөспүүбүлүкэ 100 сыллаах үбүлүөйүгэр күндү бэлэх буоларын эттэ:
— Киин куораппыт Гагаринскай уокуругун, Маҕан уонна Марха бөһүөлэктэрин оҕолоро бу дыбарыаска кэлэн дьарыктаныахтара, дойду чиэһин көмүскүүр спортсменнар буола үүнүөхтэрэ. Бэҕэһээ Арассыыйа биир бастыҥ хоккеиһа Александр Овечкин олоҕун тухары 6211 шайбаны киллэрэн НХЛ саҥа рекордун олохтоото. Бу саҥа комплекс мууһугар дьарыктанар оҕолор кини курдук эмиэ улуу ситиһиилэргэ тардыһыахтара диэн бигэ эрэнэбин!
Аһыллыы тэрээһинигэр мууска бастакынан фигурнай хаҥкылааһыҥҥа Арассыыйа чөмпүйэнээттэрин кыайыылааҕа Елизавета Лабутина тахсан, көҥүл бырагырааманы көрдөрдө. 2013 сылтан Саха сиригэр шорт-трек сиэксийэтэ үлэлиир, билигин онно 70 кэриҥэ эдэр спортсмен дьарыктанар. Бастыҥ көрдөрүүлээх оҕолор саҥа мууска тахсан бэйэлэрин көрдөрдүлэр.
“Газпром” хампаанньа социальнай инициативаларын пуондатын бэрэстэбиитэлэ, генеральнай дириэктэр сүбэһитэ Николай Николаевич Кузьмичев Саха сиригэр “Газпром” бырагырааматын иһинэн үс эбийиэк тутуллан түмүктэммиттэрин туһунан эттэ:
— Дойду үрдүнэн 73 эрэгийиэҥҥэ бу бырагыраама чэрчитинэн 2 тыһыынча кэриҥэ эбийиэк тутуллуохтаах. Саха сиригэр Алдаҥҥа, Чульманҥа уонна Дьокуускайга успуорт комлекстара тутулуннулар. Бу тутуулар бэрт ситиһиилэээхтик, түргэнник аастылар, онно Саха сирин салалтата, чуолаан Ил Дархан Айсен Николаев өҥөлөрө улахан. Кэлэр көлүөнэ доруобай буоларыгар, сөптөөхтүк сайдарыгар бары кыһаллыах тустаахпыт.
Икки этээстээх саҥа комплекс иһигэр хаҥкылыыр корт, 25 миэтирэ усталаах улахан бассейн, кыра оҕолор эрчиллэллэригэр анаммыт дьоҕус бассейн бааллар. Ону таһынан эрчиллэр саала, суунар, таҥнар сирдэр, тириэньэрдэр хосторо, быраас кабинета уонна да атын эбии хостор толору хааччыллан үлэҕэ киирбиттэр.
П.Х.Староватов аатынан Элгээйи оскуолата быйыл 150 сыла. Бу саас "Пеший поход: родные просторы" барылынан Арассыыйатааҕы…
Элгээйи олохтоохторо өр кэтэспит саҥа таас балыыһалара быйыл үлэҕэ киирбитэ. Балыыһа уон киһи сытан эмтэнэр…
ИДьМ Мииринэй оройуонунааҕы полиция салаатыгар түөкүттэргэ албыннатан 1 140 000 солк. суйдаппыт 39 саастаах Айхал…
Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр... Тумуу, кириип, сөтөл ыарыыта…
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…