Хаартыска: Ил Дархан пресс-сулууспата
Бу туһунан Саха Өрөспүүбүлүкэтин экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Анатолий Алексеев иһитиннэрдэ.
«Өлүөнэ өрүскэ муус аллараа кырыыта Алдан өрүс алын төрдүгэр турар. Бу түүн Нам улууһугар уу таһыма кутталлаах көрдөрүүлэргэ тиийэн уонна таһыгар тахсан, халаан уута күүскэ ааста. Түүн бөҕөргөтөр үлэлэр ыытылыннылар, сарсыарда оҥоһуллубут бэрэбиэркэ түмүгүнэн, харыы көстүүтэ суох», – диэтэ Анатолий Алексеев.
Бэҕэһээ 18.30 чааска Бүлүү өрүскэ Сата Арыыга муус салгыы хамсаата, бу иннинэ манна харыы турбута.
«Марха өрүскэ Дьаархан сэлиэнньэтин аннынан уу таһыма сыыйа-баайа түһэр. Бэҕэһээҥҥиттэн ыла Дьаархан аннынан уу таһыма 2 миэтэрэттэн ордук түстэ. Хоронон муус хойуутук ааһара бэлиэтэммитэ. Хатырык Хомоҕо хамсааһын баарын көрдүбүт, бүгүн бу учаастакка муус ааһара күүтүллэр. Уу өрүс төрдүгэр тахсара ыам ыйын 20-22 күнүгэр күүтүллэр», – диэтэ миниистири солбуйааччы.
Дьааҥы өрүскэ «Дьааҥы-Баатаҕай» учаастакка ырбыы уонна уу кыралаан түһэрэ бэлиэтэннэ.
Муус Үөһээ Халыма сиригэр-уотугар түргэнник барар.
Санатан эттэххэ, Ил Дархан Айсен Николаев эрэгийиэн былааһын уорганнарыгар уонна муниципалитеттарга нэһилиэнньэлээх пууннарга халаан уута куттала суох ааһарын, дьон олоҕор уонна доруобуйатыгар куттал суоһаабатын хааччыйар дьаһаллары ылалларыгар соругу туруорбута. Мониторинг ыытарга 200-тэн тахса гидрологическай пост тэрилиннэ. Нэһилиэнньэни ууга барбыт сирдэртэн көһөрөр наада үөскээтэҕинэ, 23,2 тыһыынча миэстэлээх быстах кэмҥэ үлэлиир 267 пуун эрдэттэн тэриллибитэ.
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…