Мархаҕа чааһынай дьиэ верандата умайда

Бэҕэһээ, от ыйын 9  күнүгэр, киэһээ  22:12 чааска Дьокуускай куорат баһаарынай-быыһыыр сулууспатыгар  Марха түөлбэҕэ Мархинскай уулуссаҕа биир мэндиэмэннээх дьиэ умайан эрэрин туһунан суһал иһитиннэрии киирбит.

Дьокуускайдааҕы баһаарынай-быыһыыр этэрээт үлэһиттэрэ алта мүнүүтэнэн суһал иһитиннэрии киирбит аадырыһынан тиийбиттэр.

Баһаар түмүгэр дьиэ хоруобуйата уонна 77 кв м веранда умайбыт.

Барыллааһын быһыытынан, баһаар төрүөтэ электроситимнэргэ быстах самыкаанньа (короткое замыкание) тахсыыта.