Мархаҕа дьахтар эр киһини эчэттэ

Саха сиригэр ааспыт сууккаҕа сэттэ буруйу оҥоруу бэлиэтэннэ диэн СӨ Борокуратуурата иһитиннэрэр.

Мархаттан түөскэ уһуктааҕынан анньыллыбыт 1990 с.т. эр киһи балыыһаҕа киллэриллибит, уорбаланааччы дьахтары быһаарбыттар.

Алдан уонна Ленскэй икки олохтооҕуттан түөкүттэр 110 тыһ.солк. суйдаабыттар.

Дьокуускайга сымыйа докумуону илдьэ сылдьаллара биллибит.

Киһи өлүүлээх суол саахала бэлиэтэммэтэх.

Нерюнгрига 1983 с.т. суоппар «Тойота Аллион» массыынаны ыытан иһэн суол утары балаһатыгар тахсан, «Хонда Степ Вагон» массыынаҕа кэлэн түспүт. 1950 с.т. пассажир эчэйбит.

Суукка иһигэр итирик туруктаах алта суоппары туттулар.