Мархаҕа уол оҕоҕо саба түспүт ыт хаһаайына быһаарыллыбыт

Киин куорат Марха түөлбэтин дьаһалтата иһитиннэрэринэн, муус устар 25 күнүгэр Заводская уулуссаҕа «Ирэн» маҕаһыын аттыгар уол оҕону овчарка ыт ытырбыт.

Көрдүүр тэрээһиннэринэн, ыт хаһаайына биллибит. Ыт хаһаайыныгар сыһыаннаан административнай боротокуол оҥоһуллубут. Дьыала матырыйааллара Бэтэринээрийэ управлениетыгар уонна ИДьМ сулууспатыгар тиэрдиллиэхтэрэ.

Бу туһунан Марха дьаһалтатын салайааччыта Эрсан Андреев иһитиннэрдэ.