Хаартыска: ааптар түһэриилэрэ
Өлүөхүмэ улууһугар иккис күн ситэриилээх былаас отчуота түөрт бөлөҕүнэн үлэтин салҕаата. Үөрэх уонна билим миниистирэ Нюргуна Соколова салайар бастакы бөлөх Өлүөнэ өрүс кытылынан сытар Марха, Урицкай, Хоро сэлиэнньэлэригэр отчуоттаата.
Марха, Урицкай олохтоохторун суол-иис, хочуолунай, уу суолун тырааныспардара тиксэр тохтобул (дебаркадер) боппуруостара долгутар. Уопсайынан, Дьокуускайтан Өлүөхүмэҕэ диэри сырыы сайынын өрүһүнэн эрэ баар буолан, бары кэриэтэ сэлиэнньэлэр дебаркадеры туруорсаллар. “Өлүөнэ улахан өрүс, маҥнай оҕолорбутун кутталынан уҥуор биэрэктэн туоратарбыт, билигин аны сиэннэрбитин кэтэһэбит”, — дэһэллэр. Уу тырааныспара тиксэр кыаҕа суох буолан, өрүс уҥуор өттүгэр түһэртиир. Тыаллаах-куустаах күҥҥэ бу кутталы үөскэтэр саарбаҕа суох.
Аны куйаар ситимин өрүс кытылынан тардыбыттара сааскы халаан кэмигэр быстан, ыам ыйыттан сэтинньигэ диэри интэриниэтэ суох олорбуттарын, билигин эмиэ барбытын этинэллэр. Ол эрээри, улуус, нэһилиэк быһылыга быһаарбыттарынан, саамай сүүрэр-көтөр, алдьаммыты туоратар улуус үрдүнэн биир эрэ үлэһит баар эбит. Оттон Өлүөхүмэҕэ кыра учаастактары ааҕан туран биэс уонтан тахса нэһилиэнньэлээх пуун баар.
Урицкай сэлиэнньэтигэр интэриниэт суох буолан миэдик ый аайы отчуокка барарга күһэллэрин, ол кэмҥэ укуол кыайан ылбаттарын этинэллэр. Сибээс боппуруоһунан Марха олохтоохторо отчуот кэнниттэн “Арктик-Телеком” АУо кэммиэрчэскэй салаатын салайааччыта Надежда Сибиряковаҕа биирдиилээн кэлэн кыһалҕаларын быһаартардылар, урицкайдарга сибээһи бүгүн-сарсын чөлүгэр түһэриэхтэрин эттэ. Өскөтүн интэриниэт суох түгэнигэр булгуччу Ростелекомҥа суруйар, техкөмө үлэһиттэрин кытта сибээстэһэр ирдэнэрин быһаарда.
Манна даҕатан эттэххэ, сорох нэһилиэктэр мэдиссиинэҕэ, каадырга сыһыаннаах боппуруостары көтөҕөллөр. Тустаах ыйытыыга хоруйдууругар бөлөх салайааччыта, үөрэх уонна билим миниистирэ Нюргуна Соколова Өлүөхүмэ тиэниньикумугар мэдиссиинэ кэллиэһин салаата аһыллыбытын, Дьокуускайдааҕы мэдиссиинэ кэллиэһин быйыл бүтэрэр устудьуоннарын кытта кэпсэтии барбытын иһитиннэрдэ.
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…