Марий Эл Аан дойдутааҕы норуоттар оонньууларыгар мас тардыһыыта буолуоҕа
![](https://sakha-sire.ru/wp-content/uploads/2024/07/img_5276-900x596.jpg)
Марий Эл Өрөспүүбүлүкэҕэ Йошкар-Ола куоракка Бойобуой ускуустуба көрүҥнэригэр Аан дойдутааҕы норуоттар оонньуулара ыытыллар.
Икки тыһыынчаттан тахса спортсмен кыттыылаах улахан күрэхтэһиилэргэ Сахабыт сиригэр үөскээбит сахалыы мас тардыһыытыгар киирсиэхтэрэ. Сахалыы мас тардыһыыта үгэскэ кубулуйбут успуорт көрүҥнэрин быһыытынан оонньуулар көрүҥнэригэр киирдэ. Мас тардыһыыга күрэхтэһии от ыйын 27 күнүгэр буолуоҕа.
Мас-рестлинг күрэхтэһиитигэр сэттэ эрэгийиэн хамаандатыттан 40-ча спортсмен кыттыаҕа. Күрэхтэһиигэ Саха сирин спортсменнара барбатылар эрээри, атын эрэгийиэннэртэн мас-рестлердэр, ол иһигэр дойду чөмпүйэнээтин призердара кытталлара биллэр.
Санаттахха, Ил Дархан Айсен Николаев 2021 сыллаахха суруналыыстары кытары пресс-кэмпириэнсийэ кэмигэр аны 20 сылынан Сахабыт сиригэр үөскээбит мас тардыһыыта успуорт олимпийскай көрүҥэ буолуон сөп диэн эппитэ. Биллэн турар манна элбэх үлэ барыахтаах.
Сообщить об опечатке
Текст, который будет отправлен нашим редакторам: