Марийскай тыйаатыр Саха тыйаатырын труппатын истиҥник көрүстэ

Бүгүн, сэтинньи 13 күнүгэр, Марий Эл Өрөспүүбүлүкэтии киин куоратыгар Йошкар-Олаҕа «Саха тыйаатырын хаарыан хампа кытыллара: Өлүөнэттэн Волгаҕа диэри» гостуруол кыттааччыларын М.Шкетан аатынан Марийскай тыйааатыр кэлэктиибэ үөрүүлээх быһыыга-майгыга көрүстэ.

Марийскай тыйаатыр сүрүн режиссера, Марий Эл Өрөспүүбүлүкэтин норуодунай артыыһа, Марий Эл Өрөспүүбүлүкэтин судаарыстыбаннай бириэмийэтин лауреата Роман Алексеев Саха тыйаатырын гостуруоллара саҕаламмыттарынан эҕэрдэлээтэ.

Ыалдьыттары көрсүһүү сиэрэ-туома Марий Эл норуотун төрүт үгэстэринэн ыытылынна, сүргэни көтөҕөр үҥкүүнэн, тэтимнээх ырыанан уонна волынка төрүт мусукаалынай үнүстүрүмүөнүнэн доҕуһуолланна.

Норуоттар доҕордоһууларын кэрэһэлиир көрсүһүү икки национальнай тыйаатыр тоҥолохтон тутуһан күнү батыһа сахалыы оһуохайынан түмүктэннэ.

Саха тыйаатырын пресс-сулууспата