Хаартыска -- Якутия24
РФ Бэрэсидьиэнин дуоһунаһыгар хандьыдаат Владимир Путин итэҕэллээх киһитэ Марина Бахилина Алдан оройуонугар «Лена» федеральнай упрдор үлэһиттэрин кытта көрүстэ.
Марина Бахилина Буойуннар дьиэ кэргэттэрин Саха сиринээҕи кэмитиэтин эригийиэннээҕи ыстаабын салайааччытын быһыытынан «Дьокуускай-Невер айан суолун урправлениета» ФГУ федеральнай казеннай тэрилтэтин кэлэктиибин үлэтин-хамнаһын кытта билистэ, санааларын иһиттэ, кэпсэттэ, үлэлэригэр бэриниилээх сыһыаннарыгар махтанна. Кини үлэлиир кэмитиэтин туһунан сиһилии сырдатта.
«Алдаҥҥа айаннаан кэлэн иһэн, суол хаачыстыбалаах оҥоһуутун бэлиэтии көрдүм. Кэлиҥҥи сылларга суол оҥоһуутун хаачыстыбата биллэ тубуста. Арассыыйа үрдүнэн сайдыы балысханын бэлиэтиир тоҕоостоох. Дойдубут ис күүһүн туһанара харахха быраҕыллар. Ол иһигэр ДНӨ уонна ЛНӨ инфраструктуратын уонна суолларын сайыннарыы күүстээхтик барар. Бу курдук ылсыбыт дьыалаҕыт ситиһиилээх буоллун!» — диэн бэлиэтээтэ Марина Бахилина.
«Лена» федеральнай айан суолун управлениетын салайааччыта Алексей Бубнов иллээх кэлэктиибин туһунан кэпсээн туран, «Лена» федеральнай айан суолун А-360 трассата уустук зонанан биллэрин, Невер — Дьокуускай айан суола Амур уобалаһын икки оройуонун уонна Саха сирин түөрт улууһун хабарын, онон суол оҥорооччулар ураты болҕомтолорун ууран туран үлэлииллэрин бэлиэтээтэ. Суолу тутааччылар туруоммут соругу чиэстээхтик толорорго дьулуһалларын эттэ.
Норуот дьокутааттара алтынньы 27 күнүгэр Ил Түмэҥҥэ 33-с Федеральнай сокуон иитинэн бэйэбит өрөспүүбүлүкэбитигэр олохтоох бэйэни салайыныы сокуонун…
Саха сириттэн алта устудьуон Москваҕа алтынньы 30 күнүттэн сэтинньи 2 күнүгэр диэри ыытыллар инбэлииттэр уонна…
Ньурба оройуонун суута олохтоох киһини өлөрүүгэ буруйдааҕын билинэн, бириигэбэр таһаарда. Быһылаан бу сыл атырдьах ыйыгар…
Саха сиригэр -40С кыраадыска тиийэ тымныйыа. Гидрометеосулууспа иһитиннэрэринэн, алтынньы 30 күнүгэр түүн хотугулуу-илин намыһах сирдэринэн…
Ааспыт суукка устата Дьокуускайга эмсэҕэлээччитэ суох 7 суол быһылаана таҕыста. Бу туһунан киин куораттааҕы Госавтоинспекция…
Бэтэринээрийэ управлениетын дааннайынан, сыл саҕаланыаҕыттан өрөспүүбүлүкэҕэ 3164 хаһаайына суох кыыл тутулунна. Өссө 137-тэ — приюттарга…