М.К.Аммосов аатынан ХИФУ-га “Аныгы уопсастыбаҕа патриотизмҥа иитии: сытыы кыһалҕалар” научнай-үөрэтэр сэминээр буолла. Онно дойдуга бэриниилээх буолууга иитии ситэтэ суоҕа этилиннэ. Кыттааччылар ССРС кэмигэр патриоттуу иитии үчүгэйдик олохтоммутун бэлиэтээтилэр.
“Оҕо эрдэхпитинэ битэмиин биэрэллэрэ уонна эһиги доруобуйаҕытыгар кыһанабыт дииллэрэ. Ону тэҥэ пионерскай хамсааһын тэриллэн, түмсүүлээх буолбуппут”, — диэтэ М.К.Аммосов аатынан ХИФУ историяҕа, обществознаниеҕа уонна политологияҕа кафедратын сэбиэдиссэйэ Ольга Парфенова.
Көрсүһүү модератора Сэбиэскэй Сойуус ыһыллыбытын кэннэ патриотизм тиэмэтэ иккис былааҥҥа көспүтүн аҕынна.
Сэминээр төрөппүт оҕотун кытта биир тылы буолуохтааҕар туһуланна.
Дьокуускайдааҕы опера уонна балет тыйаатырын дириэктэрэ Владислав Левочкин култуура уонна национальнай бырайыактар көмөлөрүнэн патриотизмҥа иитии аныгы көрүҥнэрин дьоһун суолтатын туһунан эттэ. “Кэнники кэмҥэ хас биирдии туруоруубутугар патриотизм тиэмэтин таарыйабыт, онуоха төрөөбүт дойдуга таптал уонна гражданскай эппиэтинэс туһунан хас биирдии көрөөччүгэ тиэрдэбит. Ону тэҥэ нацбырайыактар төрөөбүт дойдуга тапталга иитэллэр. Мааны көстүүлээх дьиэлэри, аллеялары, сквердэри уонна аныгы уопсастыбаннай эйгэни тэрийэн, куораппытыгар тапталбыт күүһүрэр”.
Көрсүһүүгэ ДНР-га Саха сирин тирэх пуунун волонтера Марина Бахилина Аҕа дойду буойуннарын дьиэ кэргэттэрин кэмитиэтин эрэгийиэннээҕи салаатын үлэтин туһунан кэпсээтэ. Байыаннай дьайыы кыттыылаахтарын дьиэ кэргэттэригэр араас көмө оҥоһулларын эттэ. Кини үс уолун патритическай киинэлэри көрдөрөн төрөөбүт дойдуларын таптыырга ииппит.
“Мин оҕолорбор кыра эрдэхтэриттэн дойдуга оҥоһуллар киинэлэри көрдөрөр этим, ол түмүгэр уолум аҕыс саастааҕар ВДВ-га сулууспалыан баҕарбыта. Уонна мин кистэлэҥим – оҕолорбун ис сүрэхпиттэн таптааһын. Киһи оҕо эрдэҕитэн тапталы билиэхтээх”, — диэтэ Марина Бахилина.
Саха сирин булчуттарын туһунан Аҕа дойду Улуу сэриитигэр Кыайыы 80 сылынан үтүө тылынан ахтан-санаан ааһыахтара. …
Муустаах муораны тайаан сытар Усуйаана улууһун кырдьаҕас Усуйаана нэһилиэгэр Улуу Кыайыы 80 сылыгар аналлаах араас…
Суолга сэрэхтээх буолуҥ! Браабыланы тутуһуҥ! Дьокуускайга күнүс 12 чаас диэки "Hyundai Creta" массыынаны ыытан испит…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Уус Алдан улууһун оскуолаларын 1987 сыллаахха бүтэрбит выпускниктар аахсыйаҕа көхтөөхтүк кытынныбыт. Ол курдук, биир дойдулаахпыт,…
Сыллата ыам ыйын 18 күнүгэр Саха сиригэр Ньургуһун сибэкки күнэ бэлиэтэнэр. Бу – кэрэ, нарын…