Марина Бахилина Курскай уобалас олохтоохторугар гуманитарнай көмө оҥордо

Саха сиринээҕи дойду буойуннарын  дьиэ кэргэттэрин кэмитиэтин бэрэссэдээтэлэ  Марина Бахилина Курскай уобаласка эмсэҕэлээбиттэргэ гуманитарнай көмөнү туттарда.

Кини  утуйар таҥас кэмпилиэгин  биэрдэ. Марина Бахилина этэринэн, Саха сирин тэрилтэлэрэ эмсэҕэлээбиттэргэ гуманитарнай көмөнү көхтөөхтүк хомуйаллар, ол иһигэр эми-тому. Билигин Курскай уобаласка таһаҕаһы ыытыы болдьоҕо дьүүллэһиллэр.

Саха сирин волонтердара ким баҕалаахха эмсэҕэлээбиттэргэ көмө оҥорорго ыҥыраллар. Гуманитарнай көмөнү ылыы пууна үлэ күнүгэр сарсыарда 8.00 чаастан киэһэ 20.00 чааска диэри үлэлиир. Аадырыһа: Дьокуускай куорат, Курашов аатынан уулусса, 24 дь., 405 кэб.