Марина Бахилина — Саха сиригэр Владимир Путин итэҕэллээх киһитэ

Байыаннай дьайыыга сылдьар үс  уол ийэтэ  Марина Бахилина волонтер быһыытынан Арассыыйа саллааттарыгар ас астааччынан сылдьар.

Кини Владимир Путин итэҕэллээх киһитинэн буолла.  Марина Бахилина бэйэлэрин уолаттарын кэнниттэн байыаннай дьайыы буола турар сирдэригэр 2022 сыллаахха саас барбыта. Элбэх оҕолоох ийэ Марина Константиновна уолаттара үһүөн анал эпэрээссийэҕэ кытта сылдьаллар.  Улахан уол идэтийбит десантник, хантарааҕынан байыаннай дьайыы бастакы күннэриттэн сылдьар. «Хорсунун иһин» уордьан кавалера. Иккис уол былырыын балаҕан ыйыгар мобилизацияламмыта.

Марина Бахилина волонтерунан тиийэн сэриилэһэ сылдьар саллааттарга ас астаан көмөлөһүөн, өйүөн баҕарарын туһунан 2022 сыллаахха  РФ Бэрэсидьиэнэ Владимир Путины кытта көрсүһүүгэ санаатын үллэстибитэ. Билигин ол санаатын толорон,  саллааттарга итии  аһы бэлэмниир. Хаста да Саха сириттэн тиийбит гуманитарнай көмөнү тиэрдиигэ көмөлөспүтэ.