Владимир Путин Саха сиригэр итэҕэллээх киһитэ Марина Бахилина «Широка страна моя родная» маастар-кылааска кыттыыны ылла.
«Арассыыйа» норуоттар икки ардыларынааҕы пуорум-быыстапка иитинэн, «Широка страна моя родная» арт-терапияҕа маастар-кылаас ыытылынна. Манна «Молоды душой Якутии» үрүҥ көмүс волонтердар чилиэннэрэ уонна Владимир Путин итэҕэллээх киһитэ Марина Бахилина кытынна.
Көрсүһүүгэ ДНӨ Саха сирин тирэх пуунун волонтера Аҕа дойду буойуттарын дьиэ кэргэттэрин кэмитиэтин эрэгийиэннээҕи отделениетын үлэтин, байыаннай дьайыы кыттыылаахтарын дьиэ кэргэттэригэр араас хайысхалаах көмө оҥоһулларын кэпсээтэ. Кини аҕа көлүөнэ дьоно-сэргэтэ бэйэлэрин баҕаларынан көмөлөрүн сырдатта.
—Москваҕа кэлбит хас биирдии волонтер госпиталларга байыастарга көмөлөһөргө, өйөбүл буоларга кыһаллар. Эһиги маны барытын ис сүрэххититтэн оҥороргут үөрүүлээх. Байыастарбытыгар төрөөбүт дойдуларын аһа-үөлэ түргэнник атахтарыгар туралларыгар көмөлөһөрүгэр эрэнэбин, — диир Марина Бахилина.
Тэрээһин түмүгэр Альбина Винокурова Аҕа дойду буойуттарын дьиэ кэргэттэрин кэмитиэтин эрэгийиэннээҕи отделениетын аатыттан волонтердарга кыһамньыларын, көмөлөрүн иһин махтанан туран «Жить», «Любить», «Верить», «Спаси» диэн суруктардаах эһэ оонньуурдары өйдүү-саныы сылдьарга туттарда.
2012 сылтан «үрүҥ көмүс» волонтердар туризм эйгэтигэр, үөрэх араас бырайыактарыгар, үтүө санаа чэрчитинэн ыытыллар тэрээһиннэргэ көхтөөхтүк кытталлар, байыаннай сулууспалаахтарга норуот өйөбүлүн оҥорууну тэрийэллэр. Волонтердар байыаннай дьайыы сиригэр-уотугар гуманитарнай көмөнү тиһиктээхтик ыыталлар. Өрөспүүбүлүкэ бары муннугуттан көмө кэлим сүрүннүүр пуунунан тирэх пууннарга ыытыллар. Саха сирэ — байыаннай дьайыы сиригэр-уотугар бэйэтин тирэх пууннарын тэрийбит соҕотох эрэгийиэнинэн буолар.
Санатан эттэххэ, Владимир Путин итэҕэллээх дьонунан култуура уонна ускуустуба, успуорт, биисинэс, мэдиссиинэ эйгэтин бэрэстэбиитэллэрэ буолбуттара. Кинилэр ортолоругар актердар Сергей Безруков уонна Владимир Машков, режиссер Никита Михалков, дирижер Юрий Башмет, тириэньэр Ирина Винер уо.д.а. бааллар. Бу курдук, Арассыыйа бары эрэгийиэннэриттэн бэрэстэбиитэллэр итэҕэллээх дьонунан буолбуттара.
От ыйын 14 күнүгэр өрөспүүбүлүкэ киин куоратыгар биэс суол-тырааныспар быһылаана бэлиэтэммит. Икки киһи эчэйиини ылбыт.…
Бүлүү улууһун Бастакы Тоҕус нэһилиэгэр, Тыымпы сэлиэнньэтигэр "Манчаары оонньууларын" кыттыылаахтарын уруйдуу-айхаллыы көрсүбүттэр. Бу туһунан социальнай…
Саха сирин хотугулуу-илин уонна илин өттүгэр ардахтар хото түһэннэр, уу таһыма үрдээбитэ бэлиэтэнэр, ол иһигэр…
Кэнники хонукка Кэбээйи уонна Өлүөхүмэ улуустарын сиригэр-уотугар уопсайа 3,8 гектардаах сири хаппыт икки ойуур баһаарын…
Бырагыраама уопсастыбаннай сэбиэтин чилиэнэ, "Сахатранснефтегаз" АУо генеральнай дириэктэрэ Алексей Колодезников "Саха сирэ -- дьоруойдар дойдулара"…
АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр.…