Пуорум үлэһит дьахталлар социальнай-экэнэмиичэскэй бырааптарын көмүскээһиҥҥэ, итиэннэ идэлээх сойуустар дьахтар хамсааһынын кытта сибээстээх боппуруостары дьүүллэһиигэ ыытылынна.
Саха сирин үлэһит кэлэктииптэрин бэрэстэбиитэллэрэ Аан дойду дьахталларын күнүн көрсө киин куоракка ыытыллыбыт Үлэһит дьахталлар пуорумугар 200-тэн тахса дьахтар кыттыыны ылла. Дэлэгээттэр үлэ, демография уонна дьахтар доруобуйатын боппуруостарын дьүүллэстилэр. Кыттааччылар ортолоругар ДНӨ Саха сиринээҕи тирэх пуунун волонтера Марина Бахилина уонна «Сахафильм» национальнай киинэ хампаанньатын салайааччыта Алексей Егоров сырыттылар.
Пуорум кыттыылаахтара Саха сиригэр үлэлиир дьахталлар бырааптарын көмүскүүр этиилэри оҥордулар. Саха сирин дьахталларын үлэтин-хамнаһын сүрүн боппуруостарын таһынан дэлэгээттэр бу дьыл олунньу 29 күнүгэр Бэрэсидьиэн Владимир Путин Федеральнай мунньахха туһаайан этиитин дьүүллэстилэр. Марина Бахилина кэмитиэт Саха сиринээҕи салаатын үлэтин туһунан кэпсээтэ.
«Биһиги өрөспүүбүлүкэбит Ил Дархана Айсен Николаев салалтатынан байыастарбыт уонна кинилэр дьиэ кэргэттэрин боппуруостара суһаллык уонна бастакы уочарат бэрээдэгинэн быһаарыллалларын туһугар барытын оҥорор. Күндү дьоммутун кытта көрсүһүү күнэ түргэнник кэлиэхтин, бырааттарбыт, кэргэттэрбит, эр дьоммут Кыайыылаах эргилинниннэр!»,- диэн Марина Бахилина эттэ. Оттон мунньах кыттааччыларын Алексей Егоров Аан дойду дьахталларын күнүнэн эҕэрдэлээтэ.
«Эһиги — биһиги ийэлэрбит, дьиэ кэргэн араҥаччылара буолаҕыт. Биһиги олохпут тутула эһиги өйөбүлгүт суох сатаммат. Дойдубут үгэс буолбут дьиэ кэргэн сыаннастарын оннунан хаалларыы халбаҥнаабат тирэҕинэн хаалбытынан киэн туттабыт. Биһиги лидербит Владимир Путин биһиги дойдубутугар ити сыаннастар эрэллээх мэктиэтинэн буолар», — диэтэ Алексей Егоров.
Өлүөхүмэҕэ балаһыанньа билигин даҕаны уустугун уу түһэ илигэ туоһулуур. Билигин нэһилиэнньэҕэ бастакы ирдэнэр малы, ону…
Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…