Марина Бахилина устудьуоннары кытта көрүстэ

Бүгүн, тохсунньу 24 күнүгэр, АГАТУ иһинэн үлэлиир технология уонна управление кэллиэһин устудьуоннарын кытта тирэх пуун волонтера, Аҕа дойду буойуннарын дьиэ кэргэттэрин салайааччыта Марина Бахилина көрүстэ. Көрсүһүүгэ Арассыыйа уопсастыбаннай палаататын чилиэнэ Наталья Кашперская, Аҕа дойду буойуннарын дьиэ кэргэттэрин кэмитиэтин бэрэстэбиитэлэ Альбина Винокурова кыттыыны ылла. Бу туһунан Марина Бахилина санаатын үллэһиннэ:

— Бүгүн университекка устудьуоннары кытта көрсүһүүгэ Наталья Кашперская, Орто Халыматтан Альбина Винокурова миигин кытта кыттыыны ыллылар. Ону сэргэ 2009-2012 сылларга кооперативнай техникумҥа миигин үөрэппит, уһуйбут учууталым Наталия Марковна Яковлева бу тэрээһини үүннээн-тэһииннээн ыытта. Мин билигин «Берегиня» оҕо дьиэтигэр уруккум курдук үлэлии сылдьабын. Түөрт хонугунан Москваҕа көтүөхтээхпин. Онтон кэллэхпинэ уоппуска ылыам диэн былаанныыбын. Устудьуоннар олус сэргэхтик көрүстүлэр

Тэрээһин ыччаты дойдуга бэриниилээх буолууга иитиигэ туһуланна.

Бэлиэтээн суруйдахха, биһиги Марина Константиновнаны кытта хаһыакка, сайтка биир бастакынан кэпсэтэн киэҥ интервьюну былырыын таһааран турабыт.