Хаартыска: СӨ Ил Дарханын уонна Бырабыыталыстыбатын пресс-сулууспата
2024 сыл саҕаланыаҕыттан Арассыыйа социальнай пуондатын Саха сиринээҕи отделениета 39 651 оҕоҕо уонна 754 оҕо күүтэр ийэлэргэ биир кэлим босуобуйаны анаата. Бу туһунан бүгүн, кулун тутар 12 күнүгэр, Арассыыйа социальнай пуондатын Саха сиринээҕи салаатын управляющайа Марина Герман иһитиннэрдэ.
«2024 сыл олунньу 5 күнүттэн биир кэлим босуобуйалар төлөбүрдэрин сорох чааһын чуолкайдыыр үлэтэ ыытыллар. Билигин дохуоттара суох буолууну туоһулуурга, сайабылыанньа биэрээччи эбэтэр кини дьиэ кэргэнин чилиэттэрэ 23 саастарыгар диэри күнүскү өттүгэр үөрэнэллэрэ учуоттанар. Урут саастарын туһунан чуолкайдааһын суох этэ. Бэйэ дьарыктанааччыларга (самозанятый) босуобуйаны аныырга гражданин киллэриммит дохуота ааҕыллар. Быйыл үлэ төлөбүрүн алын кээмэйэ 19 242 солк. тэҥнэһэр. Саҥа быраабыланан бэйэ дьарыктанааччылар 2 бүтэһик ыйга үлэ төлөбүрүн кээмэйэ хамнас алын кээмэйиттэн тахсыа суохтаах, ол эбэтэр 38 484 солк. кээмэйдээх буолуохтаах. Бу иннинэ ааҕыллар кэмҥэ дохуоту ылыы толору бириэмэтэ эмиэ учуоттанара», – диэтэ Марина Герман.
Отделение управляющайа баҕа өттүнэн сулууспалааччылар дохуоттарын учуоттааһына эмиэ биир бэрээдэгинэн байыаннай сулуспалааччыларга курдук үлэлииллэр диэн эбэн эттэ.
«Дьиэ кэргэҥҥэ биир кэлим босуобуйа аныырга баҕа өттүнэн сулууспалааччыларга уонна кинилэр дьиэ кэргэттэригэр ананар биир кэмнээх, олохторун-дьаһахтарын, доруобуйаларын тупсарынарга бэриллэр компенсационнай төлөбүрдэр учуоттамматтар. Сайабылыанньа биэрээччи өлбүтүн кэннэ эбэтэр төрөппүт быраабыттан уһуллар түгэнигэр бу төлөбүр атын сокуоннай бэрэстэбиитэлигэр ананар. Ону кытта бу быраабыла оҕону иитэ ылбыттарга эмиэ тарҕанар», — диэтэ Марина Герман. Оттон босуобуйаны ылааччы дойду атын субъегар көстөҕүнэ, төлөбүрдэр олорор сиринэн кэлэр ыйтан төлөнөллөр.
СӨ Ил Дарханын уонна Бырабыыталыстыбатын пресс-сулууспата
Саха сиригэр Бүтүн Арассыыйатааҕы байыаннай-тактическай «Путь воина» күрэхтэһиитин бастакы күнэ ситиһиилээхтик саҕаланна. Бу күрэхтэһиигэ бэҕэһээ…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Аҕам саастаах уонна доруобуйаларыгар хааччахтаах дьон бородуукта атыылаһаллара, бырааска көрдөрө бараллара кыаллымыан сөп. Дьиэҕэ-уокка уонна…
Балаҕан ыйын 13 күнүгэр "Боотур" иһинэн тэриллибит "БАРС-2" этэрээт байыастара бойобуой сорудаҕы толоро сылдьан, дрону…
Бүгүн, балаҕан ыйын 17 күнүгэр, Саха сирин сорох улуустарыгар инчэҕэй хаары кытта ардах түһэрэ күүтүллэр…
П.Х.Староватов аатынан Элгээйи оскуолата быйыл 150 сыла. Бу саас "Пеший поход: родные просторы" барылынан Арассыыйатааҕы…