СӨ Ил Дарханын уонна Бырабыыталыстыбатын саайтыттан
2023 сыл олунньу 17 күнүнээҕи чахчытынан, биир кэлим босуобуйа 36907 оҕо төрөппүтүгэр уонна 1733 хат дьахтарга ананна. Арассыыйа Социальнай пуондатын Саха сиринээҕи салаата 642 мөл солк. тахса биир кэлим босуобуйаны ыытта. Бу туһунан олунньу 21 күнүгэр брифиҥҥэ Арассыыйа Социальнай пуондатын Саха сиринээҕи салаатын управляющайа Марина Евгеньевна Герман иһитиннэрдэ.
Марина Герман этэринэн, өскөтүн 3 диэри саастаах оҕолоох ыал биир кэлим босуобуйаны ылар, маныаха дьиэ кэргэн дууһаҕа тиксэр дохуота Саха сиригэр олохтоммут тиийинэн олоруу кээмэйиттэн икки төгүл намыһах буоллаҕына, маннык ыал ийэтэ (дьиэ кэргэн) хапытаалын сириэстибэтиттэн төлөбүр ыларга сайабылыанньа суруйуохтаах.
“Эһиги билэргит курдук, ийэ (дьиэ кэргэн) хапытаалын үбэ эбэтэр үбүн сорҕото сайабылыанньаҕа олоҕуран биир кэмнээх төлөбүрү ылыыга ыытыллыан сөп. Төлөбүр оҕо үс сааһыгар диэри бэриллэр. Ыал маннык саастаах хас да оҕолоох буоллаҕына, ыйдааҕы төлөбүр хас биирдии оҕоҕо бэриллиэн сөп”, — диэн салаа управляющайа быһаарда.
2023 сыл тохсунньу 1 күнүттэн ыйдааҕы төлөбүр оҕолорго сайабылыанньа түспүт күнүгэр олохтоммут тиийинэн олоруу алын кээмэйинэн төлөнөр.
Ыйдааҕы төлөбүрү аныыр туһунан сайабылыанньаны оҕо төрүөҕүттэн үс сыл устата ханнык баҕарар кэмҥэ биэриэххэ сөп. Өскөтүн ыйдааҕы төлөбүрү ылар туһунан сайабылыанньа оҕо төрүөҕүттэн эбэтэр иитиигэ ылыллыбыт күнүттэн үс ыйы хойутаабакка бэрилиннэҕинэ, ыйдааҕы төлөбүр төрөөбүт эбэтэр иитэ ылыллыбыт ыйыттан ананар. Атын түгэннэргэ ыйдааҕы төлөбүрү ылыыга көрдөспүт ыйыттан төлөнөр.
Ийэ (дьиэ кэргэн) хапытаалын үбүттэн төлөбүр 12 ыйга олохтонор. Ыйдааҕы төлөбүрү ылар туһунан хаттаан сайабылыанньаны төлөбүр бүтэһик ыйыгар биэриэххэ сөп.
“Саха Өрөспүүбүлүкэтигэр бу кэмҥэ уопсайа 1080 дьиэ кэргэн ийэ (дьиэ кэргэн) хапытаалыттан ыйдааҕы төлөбүрү ылар”, — диэтэ Марина Герман.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбтаны пресс-сулууспата
Күрэс төрүт көрүҥнэригэр XXII "Манчаары оонньууларынан" медиа-кииҥҥэ суруналыыстары кытта көрсүһүү буолла. Манна далааһыннаах тэрээһиҥҥэ бэлэмнэнии…
От ыйыгар сулустар тапталга, доҕордоһууга сыһыаннаах гороскуопка тугу кэпсииллэрий? Хой Ый саҥата саҥа билсиһии буолара…
Ааспыт сууккаҕа Ленскэй оройуонугар биир ойуур баһаара умуруоруллубут. Бүгүҥҥү иһитиннэриинэн, суукка саҕаланыытыгар, өрөспүүбүлүкэ сиригэр-уотугар ойуур…
Уус Алдан улууһугар Суотту нэһилиэгин Хоноҕордооҕу "Түһүлгэ" СК "Алыптаах аартыктары арыйан..." сылаас тыыннаах олус истиҥ…
ЫБММ үлэһитэ эдэр дьахтары эчэппит уонна кини сокуоннай сааһын ситэ илик балтыгар сыстаҥнаабыт. Бу туһунан…
Айылҕаҕа, тыаҕа сырыттахха олоххо киһи үөйбэтэх өттө ардыгар буолуон сөп. Мантан сайын сир аһын кэмигэр…