СӨ Ил Дарханын уонна Бырабыыталыстыбатын пресс-сулууспатын хаартыската
Олунньу 27 күнүнээҕи туругунан Саха сиригэр өйөбүл саҥа дьаһаллара тахсыахтарыттан биир кэлим босуобуйа 38 906 оҕоҕо уонна 1871 хат дьахтарга ананна диэн Арассыыйа социальнай пуондатын Саха сиринээҕи салаатын управляющайа Марина Герман бүгүн брифиҥҥэ эттэ.
«Арассыыйа социальнай пуондатын Саха сиринээҕи салаата 709 мөл. солк. ордук үбү бу хайысхаҕа ыытта», – диэн кини эттэ.
Марина Герман биир кэлим босуобуйаҕа сайабылыанньа биэрээччилэр болҕомтолоох буолалларын санатта. Ол курдук, тус дааннайдаргытын, ааккытын-суолгутун, араспаанньаҕытын, атын даҕаны иһитиннэриилэри сөпкө суруйбуккутун болҕойон көрүҥ диэн кини сүбэлиир.
Арассыыйа социальнай пуондатын Саха сиринээҕи салаатын биир кэлим босуобуйаны аныырга тустаах уорганнартан, тэрилтэлэртэн дааннайы бэйэтэ ылар. Ол гынан баран, ардыгар, килийиэн сулууспатыгар эбии докумуону уонна иһитиннэриини тустаах киһи бэйэтэ аҕалан биэриэн наада.
«Холобур, биир кэлим босуобуйаны аныырга сайабылыанньа биэрбит киһи уонна кини дьиэ кэргэнин хамсаабат баайын-дуолун – Росреестр, тырааныспарын – Ис дьыала министиэристибэтэ, дьоҕус суудунатын туһунан дааннайдары Ыксаллаах быһыы-майгы министиэристибэтэ биэрэр. Өскөтүн ити үөһэ ааттаммыт баай-дуол тус бас билиигитигэр суох, ол гынан баран биир кэлим босуобуйаттан ол биричиинэнэн аккаастаабыт буоллахтарына, тустаах уоргаҥҥа кэлэн быһаарсыаххытын сөп. Дьиэ кэргэн бас билиитигэр баай-дуол суох диэн бигэргэтиини ыллаххытына эрэ сайабылыанньаны хос биэриэххэ сөп», – диэн Марина Герман быһаарда.
Санатар буоллахха, биир кэлим босуобуйаны ыларга сайабылыанньаны госуслуга порталын нөҥүө эбэтэр олорор сиргитигэр Арассыыйа социальнай пуондатын Саха сиринээҕи салаатын килийиэннэри кытары үлэлиир сулууспатыгар тиийэн бириэххитин сөп. Итини таһынан сайабылыанньаны МФЦ нөҥүө биэрэр кыахтааххыт.
СӨ Ил Дарханын уонна Бырабыыталыстыбатын пресс-сулууспата
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…