Марина Герман: Саха сиригэр биир кэлим босуобуйаҕа 1,2 млрд солк. ыытылынна

Share

Биир кэлим босуобуйа сокуона күүһүгэр киириэҕиттэн, кулун тутар 10 күнүнээҕи дааннайынан, Саха сиригэр судаарыстыбаннай өйөбүл саҥа дьаһалынан 42 809 оҕоҕо, 1982 хат дьахтарга босуобуйа ананна.

РФ Социальнай пуондатын салаатынан 1 млрд 201 мөл. солкуобай биир кэлим босуобуйаны ылааччы дьиэ кэргэҥҥэ ыытылынна. Ол туһунан бүгүн брифиҥҥэ РФ Социальнай пуондатын Саха сиринээҕи салаатын салайааччыта Марина Герман иһитиннэрдэ.
Марина Герман биир кэлим босуобуйаҕа бэриллэр сайабылыанньаны толоруу сүрүн быраабылатын санатта.
«Биир кэлим босуобуйаҕа сайабылыанньа биэриэххит иннинэ дьиэ кэргэн ханнык дохуоттара ааҕылларын чуолкайдыаххытын наада. Холобур, хамнас, бириэмийэ, өҥөнү оҥоруу иһин төлөбүр, биэнсийэ, босуобуйа, кэмпэнсээссийэ, истипиэндьийэ, алимент, уурунуу харчытыттан бырыһыан буолуон сөп», – диэн кини эттэ.
Дьиэ кэргэн дохуотун ааҕыыга ааспыт сылларга оҕоҕо төлөммүт төлөбүрдэр ааҕыллыбаттар: холобур, биир кэлим босуобуйа, оҕо төрөөтөҕүнэ эбэтэр иитиигэ ылыллыбыт буоллаҕына, бастакы итиэннэ иккис оҕоҕо ылар ыйдааҕы төлөбүр, 3-8 диэри саастаах оҕолорго ыйдааҕы төлөбүрдэр, о.д.а.

Марина Герман эппитинэн, босуобуйаны ааҕарга 12 ыйдааҕы дохуот учуоттанар.
«Холобур, 2023 сыл кулун тутар ыйыгар сайабылыанньа биэрэр буоллаххына, дохуотуҥ 2022 с. олунньу ыйыттан 2023 тохсунньутугар диэри ааҕыллар. Дьиэ кэргэн маннык босуобуйаны ылыан сөбүн быһаарарга дьиэ кэргэн чилиэннэрин барыларын биир сыллаах дохуотун уон иккигэ түҥэтэҕин, дьиэ кэргэн чилиэннэрин ахсааныгар үллэрэҕин. Босуобуйа ананар, өскөтүн дьиэ кэргэн дохуота биир киһиэхэ тиксэрэ, өрөспүүбүлүкэҕэ олохтоммут нэһилиэнньэ дууһатыгар тиксэр тиийинэн олоруу алын кээмэйиттэн кыра буоллаҕына», – диэн быһаарда Марина Герман.

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Байыаннай эпэрээссийэ
  • Сонуннар

Байыастарга бырааһынньыктааҕы аһы-үөлү ыам ыйын 11 күнүгэр диэри туттарыахтара

Байыастарга бырааһынньыктааҕы ас-үөл набордарын ыам ыйын 11  күнүгэр диэри туттартыахтара. Кыайыы күнүн көрсө ас-үөл набордарын…

25 минут ago
  • Сонуннар
  • Уопсастыба

Сэбиэскэй сойуус Дьоруойа, суруналыыс Николай Кондаков аатынан бириэмийэ Олег Колесовка-Талбаҥҥа туттарылынна

Бүгүн Араадьыйа күнүн көрсө "Саха" НКИХ салалтата Аҕа дойду Улуу сэриитин кыттыылааҕа, Сэбиэскэй сойуус Дьоруойа,…

30 минут ago
  • Сонуннар
  • Уопсастыба

Суоттуга сааскы субуотунньуктар

Суоттуга тыыл бэтэрээннэригэр, сэрии кэмин оҕолоругар, Дьоруой ийэҕэ, байыаннай дьайыыга кытта сылдьар дьоммут дьиэ кэргэттэригэр…

55 минут ago
  • Сонуннар
  • Тыа хаһаайыстыбата

Маарга бэкээринэ боппуруоһа быһаарылынна

Бу күннэргэ Ньурба улууһун баһылыга Алексей Иннокентьев улуус нэһилиэктэригэр сылдьан үлэни-хамнаһы кытта билсэр.  Ол курдук,…

1 час ago
  • Сонуннар
  • Уопсастыба

Николай Макаров СӨ култуура нэһилиэстибэтин эбийиэктэрин харыстыыр управление салайааччытынан ананна

Николай Макаров СӨ култуура нэһилиэстибэтин эбийиэктэрин харыстыыр управление салайааччытынан ананна. Ил Дархан Айсен Николаев 2024…

2 часа ago
  • Сонуннар
  • Чэгиэн

Эдэр үлэһиккэ махталбыт муҥура суох

Биһиэхэ, Бэрдьигэстээххэ, тиис оҥорооччу Архип Андреев ылбыт идэтин толору баһылаан, таһаарыылаахтык үлэлии сылдьар. Онон, этэргэ…

2 часа ago