Марина Герман үлэ харыстабылыгар сыһыаннаах тэрээһиннэргэ ороскуоттары толуйуу туһунан кэпсээтэ

Социальнай пуонда Саха сиринээҕи отделениета сыллата үлэ биэрээччилэртэн производственнай эчэйиилэри уонна профессиональнай ыарыылары аҕыйатыыга сэрэтэр дьаһаллары үбүлээһиҥҥэ ороскуоту аччатыыга сайабылыанньаны ылаллар.

2025 сылтан үлэ биэрээччилэргэ үлэ харыстабылыгар толуйуу процедурата судургутутулунна. Бу туһунан кулун тутар 4 күнүгэр брифиҥҥэ Социальнай пуонда управляющайа Марина Герман иһитиннэрдэ.

«Бастакы түһүмэххэ страховщик Социальнай пуонда Саха сиринээҕи отделениетыгар сайабылыанньа суруйар. Балаҕан ыйын 1 күнүгэр диэри үбүлээһин сууматын улаатыннарарга эмиэ сайабылыанньа биэриэххэ сөп. Онтон сэтинньи 15 күнүгэр диэри үлэ биэрээччигэ ити ороскуоту туоһулуур докумуоннары сыһыаран сайабылыанньа туттарыллар», — диэтэ отделение управляющайа.

Марина Герман этэринэн, 2024 сылга 343 страхователь үлэ харыстабылыгар анаан 596 мөл. солк. тахса суумаҕа толуйууну ылбыттар. Страховкалааччылар бу иннинээҕи сылга ааҕыллыбыт страховой усунуос сууматыттан 20 %-ҥа диэри сэрэтэр дьаһаллары үбүлээһиҥҥэ ыытыахтарын сөп. Сиһилии манна аах.