Мария Борисова: «Хаачыстыбалаах хонтуруол наада»

РФ үп-харчы үлэтин туйгуна, СӨ норуотун хаһаайыстыбатын үтүөлээх үлэһитэ, үлэ бэтэрээнэ, СӨ судаарыстыбаннай сулууспатын туйгуна, СӨ Үп министиэристибэтин Бочуоттаах Кинигэтигэр киирбит бэтэрээн  Мария Борисова РФ Бэрэсидьиэнэ Владимир Путин Анал этиитин истээри анаан бэлэмнэнэн олорор.

Мария Потаповна санаатын маннык үллэһиннэ:

— Ил Дархан Айсен Николаев Ийэ дойдуну көмүскээччи сылын биллэрдэ. Дойдубут Аҕа баһылыга Владимир Путин Улуу Кыайыы 80 сылынан сибээстээн, эмиэ патриотизмҥа сыһыаннаах сылы биллэрэрэ буолуо. Арассыыйаҕа социальнай көмүскэллээх буолууга туһаайыллыбыт үгүс уураах, дьаһал тахсар, Судаарыстыба  уорганнара ону толорорууга үлэлэһэллэр эрээри, ол  дьоҥҥо тиийиитигэр  эппиэтинэс уонна хонтуруол суох курдук. Бу тустаах социальнай көмөнү оҥоруу хаачыстыбатын атахтыыр. Онон ситэриилээх былаас уорганнара миэстэтигэр үлэ ыытыллыытын кытаанахтык хонтуруоллаан истэхтэринэ, үлэ биллэ хаачыстыбалаах буолуо этэ. Бу туһунан дойдубут Аҕа баһылыгын санаатын истиэхпин баҕарабын.