Саллааттар кэмитиэттэрин бэрэссэдээтэлэ Мария Емельянова байыаннай чаастарга сылдьан кэллэ. Кини бу туһунан биһиги саайтпытыгар санаатын үллэһиннэ:
— Мин бу соторутааҕыта байыаннай чаастарга сылдьан кэллим. Элбэх байыаннай чааска сырыттым. Бастаан Хабаровскайга, Улан Удэҕэ, онтон Приморскай кыраайга элбэх чааска сылдьан сулууспалыы сылдьар уолаттарбытын, байыаннай хомуурга хапсыбыттары көрсүбүтүм. Ону сэргэ, Уссурийскай, Сергеевка, Липовцы, Авваку, Владивосток чаастарыгар уонна полигоннарга сырыттым. Биһиги Владивостокка баар бастайааннай бэрэстэбиитэлистибэни кытта ыкса үлэлэһэ олоробут.
Бу сылдьан көрдөхпүнэ, байыаннай хомуурга хапсыбыт уолаттарбытын барыларын кэриэтэ таҥыннаран, форма кэтэрдэн полигоҥҥа дьарыктыы сылдьаллар. Дьэ, социальнай ситимнэргэ араас бары тарҕанна. Оннооҕор Ил Дархаммыт Айсен Сергеевич туһунан суруйбуттар этэ. Уолаттарга таҥас-сап илдьэн баран төттөрү илдьэ кэллэ диэн. Сымыйа сурахтарга итэҕэйимэҥ. Мин үгүс байыаннай чааска сырыттым. Барытын эт харахпынан көрөн, уолаттары көрсөн кэллим.
Өрөспүүбүлүкэбит түмсүүлээх буолан уолаттарбытыгар көмө харыыта суох ыстаапка хомулла турар. Уолаттар этэҥҥэлэр, санаалара бөҕөх. Сахабыт сирин икки тыһыынча кэриэтэ ыччатын көрсөн, ийэлии алҕаан, кыһалҕаларын миэстэтигэр быһаарсан кэллим. Онон маннык уустук кэмнэргэ куһаҕаны сымыйанан тарҕаппакка, биир сомоҕо буолан дьоммутугар-сэргэбитигэр өйөбүл буолуохтаахпыт, Ил Дархаммыт Айсен Николаев тула түмсүөхтээхпит!
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…