Мария Карпова урбаан, эргиэн, туризм миниистирин солбуйааччынан ананна

От ыйын 5 күнүгэр Айсен Николаев ыйааҕынан,  Карпова Мария Эдуардовна  урбаан, эргиэн, туризм миниистирин солбуйааччынан ананна.

Мария Карпова үрдүк үөрэхтээх. Москватааҕы үп уонна быраап үнүбэрсиэтин уонна Новосибирскайдааҕы судаарыстыбаннай үнүбэрсиэти бүтэрбитэ.

Мария Карпова “Муравьев-Амурскай 2030” диэн Уһук Илиҥҥи федеральнай уокурук үрдүк квалификациялаах, салайар састаабын бэлэмниир ураты бырагыраама биир бастыҥ выпускнига буолар.

Өрөспүүбүлүкэ сакааһынан, министиэристибэлэри уонна биэдэмистибэлэри, муниципальнай тэриллиилэрин кытта «Система организации, развития и продвижения туризма, формирование привлекательного образа региона» бырайыагы оҥордо.

Кини 2012 сылтан Москва уонна Новосибирскай куораттарга дьоҕус бизнескэ туризмҥа, рекламаҕа уонна бородууксуйаны атыылыырга биирдиилээн бырайыактары олоххо киллэрэр. Кини 2016 сылтан таҥас тигэр, оҥорон таһаарар тэрилтэ салайааччытынан үлэлээбитэ.