Хаартыска: СӨ Аҕа быһылыгын уонна бырабыыталыстыбатын пресс-сулууспата.
Саха сиригэр оҕолоох ыалларга өйөбүлү оҥорууга бэрт суолталаах быһаарыылары ылыналлар.
Бу туһунан РФ Бэрэсидьиэнин иһинэн оҕо быраабыгар боломуочуйалаах Мария Львова-Белова өрөспүүбүлүкэҕэ сырыытын түмүгүнэн бэлиэтээһини оҥордо.
Оҕо омбудсмена эрэгийиэн дьиэ кэргэн уонна оҕо саас эйгэтигэр бэрт кэрэхсэбиллээх дириҥ ис хоһоонноох үлэ барарын бэлиэтээтэ уонна стационарнай тэрилтэлэргэ оҕо ахсаанын аҕыйатыыга бииргэ үлэлэһиини тэрийэргэ этии киллэрдэ.
«Дьиэ кэргэни уонна оҕону өйүүр үгүс суолталаах өйөбүл оҥоһулларын бэлиэтии көрдүм. Манна «Үйэ оҕолоро» бырагырааманан оҕо төрөөтөҕүнэ өрөспүүбүлүкэтээҕи төлөбүр 110 тыһ. солк., оттон үһүс уонна салгыы төрөөбүт оҕолорго эрэгийиэннээҕи дьиэ кэргэн хапытаала — 300 тыһ. солк. Өрөспүүбүлүкэ Аҕа баһылыга стационарнай тэрилтэлэргэ оҕо ахсаанын 50% аҕыйатар туһунан ыйааҕын сонун сүүрээн курдук сыаналыыбын. Бу дириҥ толкуйтан тахсыбыт быһаарыы ВИСП (Социальнай тулаайах буолууну сэрэтэр Бүтүн Арассыыйатааҕы инспекция) соруктарын кытта дьүөрэлии, онон бары бииргэ күүспүтүн, санаабытын, кыахпытын холбоон, эригийиэн бу соругу ситиһэригэр көмөлөһүөххэ диэн этии киллэрэбин», — диэн бэлиэтээтэ Мария Львова-Белова.
Социальнай тулаайах буолууну сэрэтэр Бүтүн Арассыыйатааҕы инспекция үлэтин түмүгүнэн кэккэ этиини киллэрдэ. Онтон биир сүрүнэ – оҕо социальнай тэрилтэҕэ сылдьара төһө олохтооҕун быһаарар өрөспүүбүлүкэтээҕи хамыыһыйаны тэрийии.
Мария Львова-Белова төрөппүт быраабын быһыыга туһуламмыт, дьиэ кэргэни кытта үлэ полустационарнай көрүҥнэрин сайыннарыы туһатыгар социальнай тэрилтэлэргэ стационар куойкаларын аҕыйатыыга, үлэ түмүгүн сыаналыыр көрдөрүүлэри киллэриигэ сыһыаннаах суут-сокуон практикатын ырытар наадалааҕын бэлиэтээтэ. Маны таһынан, социальнай тулаайах буолууну сэрэтиигэ, арыгыга ылларбыт дьону эмтииргэ уонна реабилитациялыырга көдьүүстээх ньымалары олоххо киллэриини кэҥэтиигэ, дьиэ кэргэни кытта үлэлиир коммерческайа суох тэрилтэлэри өйөөһүҥҥэ уо.д.а. социальнай үлэни ыытыыга сыһыаннаах этиини киллэрдэ.
Саха сиригэр IV кылаастаах ойуур баһаара ыам ыйын 24-25 күннэригэр Уус Алдан, ыам ыйын 25-26…
Бу дьыл ыам ыйын 12-16 мая күннэригэр Амур уобалаһын уонна Саха сирин Россельхознадзор Управлениетын үлэһиттэрэ…
Волонтердар хомуйан бэлэмнээбит баһыылкаларын СВО сиригэр-уотугар ыытаары бэлэмнииллэр. Бу туһунан "Вместе к Победе" хамыыһыйа өрөспүүбүлүкэтээҕи…
2025 сыл саҥатыттан Саха сиригэр баһаары сэрэтэр, биллэрэр тэрил (АДПИ) кэмигэр холбонон, 34 киһи, ол…
Суорун Омоллоон аатынан Опера уонна балет тыйаатыра туруорбут “Күлүмнүүр таас” испэктээгэ 2023-24 сс. “Кыһыл көмүс…
Бу күннэргэ композитор Владимир Ксенофонтов сүгүрүйээччилэрэ үөрүүлээх сонуну иһиттибит. РФ Бэрэсидьиэнэ В.В.Путин ыйааҕынан өр сыллаах…