“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.
Дойдубут туһугар…
Хараҥа былыттар
Халыйан тахсаннар,
Сабардыах курдуктар
Сарсыҥҥы сарыалы.
Ыалларбыт өстүйэн,
Үтүөнү дуол умнан,
«Тиис-тиискэ!»- дэһэннэр
Айдааны тартылар.
Хаан аймах эрээри
Харааччы иирдилэр,
Эйэлээх олоҕу
Эһээри тиистилэр.
Арҕаалар үөрдүһэн,
Утары турдулар,
Уот -кутаа күөдьүтэн
Тэптэрэн биэрдилэр.
Дойдубут кэскилин
Сарбыйар туһугар
Түүннэри-күннэри
Дьэ, илэ бардылар.
Төрөөбүт түөлбэбит
Төлкөтүн туһугар
Саадаҕы курданар
Тыйыс кэм дьэ, кэллэ.
Өбүгэ өтөҕүн
Өстөөҕө тэпсэрин,
Алаһа дьиэтигэр
Аймалҕан тахсарын,
Төгүрүк алааска
Ача күөх кэхтэрин
Сахалыы саҥалаах
Тулуйуон сатаммат.
Көмүскэс санаалаах
Күн Айыы киһитэ
Өстөөххө бэриммэт,
Кэннинэн кэхтибэт.
Дойдуга тапталбыт —
Хамсаабат тирэхпит!
Биир ньыгыл буолуубут —
Тостубат туурабыт!
Сүүс омук түмсэммит
Сүдү күүс буолабыт.
Дойдубут туһугар
Бигэтик турабыт!!!
Ханнык да хара дьай,
Ханнык да халыан күүс,
Хамсаппат Ийэ сир
Ньыгыл таас тирэҕин!
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…