Хаартыска: Оройуоннааҕы киин балыыһа пресс-сулууспата
Дьокуускай куоракка “Идэ – ОЛОХ” мэдиссиинэ эдэр исписэлиистрин өрөспүүбүлүкэтээҕи куонкурустара буолла. Санатан эттэххэ, куонкурус быйыл тохсус төгүлүн ыытылынна.
Куонкурус сүрүн соругунан мэдиссиинэ идэтин престиһин үрдэтии уонна уопсастыба олоҕор көхтөөхтүк кыттар, идэлэрин баһылыыр эдэр исписэлиистэри өйөөһүн буолар.
Финалга тахсыбыт 10 кыттааччы ортотугар биһиги биир идэлээхпит, Уус Алдан улууһун Кэптэнитээҕи быраас-амбулаториятын педиатр-бырааһа Мария Васильева баар. Кини “Бастыҥ педиатр-быраас” номинацияҕа кыайда.
Мария Сергеевна өрөспүүбүлүкэтээҕи куонкуруска аан бастаан кытынна уонна “Уус Алдан улууһун Оройуоннааҕы киин балыыһатын базатыгар оҕолорго реабилитация табыгастаах көмөтө” бырайыагын билиһиннэрдэ. Оҕолор доруобуйаларын чөлүгэр түһэрии тиэмэтэ дьоһун суолталаах тиэмэнэн буолар.
«Мин Уус Алдан улууһун доруобуйатын харыстабылыгар иккис сылбын үлэлиибин. Томскайга мэдиссиинэ Сибиирдээҕи судаарыстыбаннай университетын бүтэрээт да, дойдубар эргиллибитим. Мин бэйэм Бороҕон сэлиэнньэтиттэн төрүттээхпин. Бырайыакка бэлэмнэнэрбэр миигин Оройуоннааҕы киин балыыһа салалтата өйөөтө. Куонкуруһу тэрийээччилэргэ уонна мин туспар ыалдьыбыт биир идэлээхтэрбэр, доҕотторбор уонна аймахтарбар махтанабын”, — диэтэ Мария Васильева.
Уус Алдан улууһун Оройуоннааҕы киин балыыһатын кэлэктиибэ Мария Сергеевнаны эҕэрдэлиир уонна үлэтигэр ситиһиилэри баҕарар.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…