Мария Васильева хаартыската, СИА.
Быстах хомуур уонна байыаннай сулууспа боппуруостарынан 122 суһал лииньийэ суукканы эргиччи үлэлиир. 2023 сыл тохсунньутуттан 35532 киһи төлөпүөннээбит, 17734 төгүл суһал лиинньийэ үлэһиттэрэ эрийэн тахсыбыттар.
Билигин хантараагынан сулууспаны, авиабилиэттэри броньнааһыны, байыаннай дьайыы кыттыылаахтарын дьиэ кэргэттэрин өйөбүл, федеральнай уонна эрэгийиэннээҕи төлөбүрдэр тустарынан интэриэһиргииллэр.
Байыаннай дьайыыга сылдьан бааһырбыт киһиэхэ 3 мөлүйүөн солкуобайы РФ Оборуонаҕа министиэристибэтэ төлүүр. Төрүөтэ: РФ Бэрэсидьиэнин 2022 сыл кулун тутар 5 күнүнээҕи “Арассыыйа Федерациятын байыаннай сулууспалаахтарыгар, национальнай гвардия сэриилэригэр сулууспаны ааһар дьоҥҥо уонна кинилэр дьиэ кэргэттэригэр эбии социальнай мэктиэлээһиннэр тустарынан” 98 №-дээх Ыйааҕа, РФ Оборуонаҕа миниистирин 2022 сыл муус устар 22 күнүнээҕи 236 №-дээх бирикээһэ.
3 мөлүйүөн солкуобайы хайдах ылалларый?
— Бааһырбыт байыас мэдиссиинэ батальонугар эбэтэр анал хайысхалаах мэдиссиинэ этэрээтигэр эмтэнэр, онтон РФ Оборуонаҕа министиэристибэтин госпиталыгар барар.
— Госпитальга 3 экземплярдаах ыспыраапка (эчэйиитин, контузиятын) туһунан ыспыраапка толоруллар уонна бэриллэр: байыаннай сулууспалаахха илиитигэр, медтэрилтэ уонна үп-харчы уорганын харайыытыгар бэриллэр. Ыспыраапка куоппуйата РФ Оборуонаҕа министиэристибэтин электроннай баазатыгар киллэриллэр.
— Байыаннай чааска байыаннай сулууспалаах төлөбүрү ылыыга араапар суруйар уонна бааһырбытын туһунан ыспыраапканы биэрэр.
— Байыаннай чаас хамандыыра бу кэлим төлөбүрү биэрэр туһунан бирикээс таһаарар.
— Оборуона министиэристибэтин үп уоргана чаас хамандыырын бирикээһигэр олоҕуран РФ тустаах министиэристибэтин электроннай базатыгар байыаннай сулууспалаах счетугар харчыны ыытар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бу күннэргэ халаан уутуттан эмсэҕэлээн, сорох улуустарга ыксаллаах быһыы-майгы эрэсиимэ биллэриллибитэ. Оттон эксээмэннэр ыам ыйын…
"Михаил Ефимович Николаев: вклад в государственную семейную политику Российской Федерации" диэн кинигэ сүрэхтэниитэ бүгүн, ыам…
Ыам ыйын 15 күнэ. Дьылбыт түмүктэнэрэ 7 хонук хаалбыт. Ол аата саха саҥа сыла саҕаланыа…
Ааҕааччыны салгыппат гына, ааспыты аҕыйах тылынан ахтан ааһар тоҕоостоох. Ыраата барбакка эттэххэ, ааспыт үйэ 60-70-с…
Оннук ээ, туох барыта күрүөлээх, хамсыыр барыта хаһаалаах буолара бэрт бөҕө буоллаҕа! Киһи бэйэтин көрүнэригэр-харыстанарыгар…
2021 сылтан Саха сиригэр “Баһаары сэрэт – АДПИ киллэр!” диэн социальнай аахсыйа ыытыллар. Аахсыйа чэрчитинэн…