Маркетплейс үлэһитэ бөдөҥ суумаҕа табаары уорууга уорбаланар

ИДьМ сулууспатын 1 №-дээх полиция отделын дьуһуурунай чааһыгар маркетплейс бэрэстэбиитэлиттэн 200 тыһыынча солкуобайтан тахса суумаҕа табаар уоруллубутун туһунан сайабылыанньа суруйбут. Бу туһунан ИДьМ пресс-сулууспата иһитиннэрэр.

Суһал-көрдүүр тэрээһиннэринэн холуобунай отдел үлэһиттэрэ 38 саастаах сакаас биэрэр пуун менеджера уорууга сыһыаннааҕын быһаардылар. Дьахтар үлэлиир пуунугар араас табаардары атыы-эргиэн былаһааккатын саайтарыгар сакаастыыра быһаарылынна. Баһыылкалары  бэйэтигэр хаалларара биллибит. Дьахтарга РФ Холуобунай кодексатын 159 ыст. 1 чааһынан («Мошенничество») холуобунай дьыала тэрилиннэ.  Икки сылга диэри көҥүлэ быһыллыан сөп.