Маршрутнай оптуобус суоппара биэлсэри үөхпүтүнэн 3000 солк. ыстарааптанна

Суһал көмө биэлсэринэн үлэлээбит дьахтар Таатта оройуонун борокуратууратыгар сайабылыанньа суруйбут. Дьахтар быһаарыытынан, биир ыарыһах быраас чиэһин, аатын-суолун алдьаппыт, быдьар тылынан үөхпүт. Бу дьыаланан эр киһини эппиэккэ тардыбыттар.

2025 сыл тохсунньутугар маршрутнай оптуобус суоппара рейсин иннинэ мэдиссиинэ көрүүтүн кэмигэр үрдүк хаан баттааһыннааҕынан биэлсэр үлэҕэ таһаарбатах. Кыйахаммыт суоппар биэлсэри үлэһиттэр ортолоругар быдьар тылынан үөхпүт. «Бэрэбиэркэ кэнниттэн үөҕүү туһунан ыстатыйанан дьыала тэриллиннэ», — диэн СӨ Борокуратууратыгар иһитиннэрдилэр.

Дьыала матырыйаалларын суут көрүүтүгэр ыыттылар. Судьуйа быһаарыытынан, суоппар үс тыһыынча солкуобайга ыстарааптаммыт.