Мас-рестлиҥҥэ Европа чөмпүйэнээтэ 2025 сылга ыытыллыаҕа

Мас-рестлиҥҥэ Европа чөмпүйэнээтэ уонна бастыыр иһин күрэхтэһии ахсынньыга ыытыллыахтаах этэ, ол көһөн, эһиил 2025 сылга ыытыллар буолла. Маннык быһаарыныыны Мас-рестлинг норуоттар икки ардыларынааҕы федерацията ылынна диэн СИА суруйар.

Эр дьоҥҥо, дьахталларга уонна бэтэрээннэргэ Европа чөмпүйэнээтэ, итиэннэ 18 саастарыгар диэри спортсменнарга бастыыр иһин күрэхтэһии былаан быһыытынан ахсынньы 12-16 күннэригэр ыытыллыахтааҕа. Чөмпүйэнээт Грузия Цхалтубо куоратыгар буолуохтаах этэ.

Норуоттар икки ардыларынааҕы улахан масштабтаах күрэхтэһиилэри 2025 сыл муус устарыгар көһөрбүттэр. Маннык дьаһалы Мас-рестлинг норуоттар икки ардыларынааҕы федерациятын бэрэсидьиэнэ Александр Акимов таһаарда.

Кэлэр сылга чөмпүйэнээт Бишкеккэ сэтинньи 29-ахсынньы 2 күннэригэр ыытыллара былааннанар.