Мас тардыһыыга «Манчаары оонньууларыгар» бүтэһик путевкалар оонньооннулар

Хатас сэлиэнньэтигэр «Манчаары оонньууларыгар» бүтэһик путевкалары оонньоттулар. Ол курдук, Петр Каратаев бирииһигэр мас тардыһыыга өрөспүүбүлүкэтээҕи турнир буолан ааста.

Саамай элбэх спортсменнарын Ньурба, Уус Алдан, Хаҥалас уонна Чурапчы улуустарын хамаандалара кытыннардылар. Хас биирдии ыйааһыҥҥа эр дьон ортолоругар «Манчаары оонньууларыгар» алта путевка, дьахталларга уонна эр дьоҥҥо түөртүү путевка оонньонно. Быраабыла быһыытынан, күрэхтэһиигэ бэйэлэрин хамаандаларынан путевкалары ылбыт спортсменнар кыттыбатыларр, ону тэҥэ оройуоннарга успуорт национальнай көрүҥнэригэр кэлэр спартакиадаҕа кыттааччылары эмиэ киллэрбитэлэр.

65 кг ыйааһыҥҥа эр дьон ортолоругар путевканы Томпо улууһуттан үс төгүллээх чөмпүйүөн Дмитрий Саввин эрэллээхтик ылла.

80 кг диэри ыйааһыҥҥа өссө сайын фавориттартан биирдэстэринэн Уус Алдан улууһуттан «Манчаары оонньууларын» икки төгүллээх чөмпүйүөнэ Айсен Атастыров ааттаныа. Кини күүстээх киирсиини эрэллээхтик ааста. Турнир финалыгар эмиэ кыттар быраабы ылбыт Чурапчы улууһуттан Виктор-Хан Аманы 2:0 ахсаанынан кыайда.

Аҕыс сыллаах тохтобул кэнниттэн Уус Майа улууһуттан Роман Шмойлов эргиллиннэ. Кини 125 киилэҕэ диэри категорияҕа кыайыылааҕынан тахсан, улуус бу көрүҥҥэ бэйэтин улууһуттан соҕотох бэрэстэбиитэлинэн буолар.

Мэҥэ Хаҥалас улууһуттан успуорт национальнай көрүҥнэригэр спартакиадаҕа барыта 29 спортсмен кыттыаҕа, Чурапчы-28, Хаҥалас-27, Таатта (бастакы хамаанда) — 25, Нам, Уус Алдан — 24, Амма — 23, Ньурба-20, Үөһээ Бүлүү — 19, Дьокуускай — 18, Сунтаар — 17, Горнай — 16, Таатта (иккис хамаанда) — 12, Томпо, Бүлүү — 11. Атын хамаандалар уонтан итэҕэһэ суох путевкалаахтар.

Петра Каратаев бирииһигэр кыайыылаахтар

Эр дьон:

60 кг: 1. Артур Лотов (Хаҥалас), 2. Салават Байназаров (Ленскэй), 3. Юрий Нарахаев (Өлүөхүмэ);

65 кг: 1. Дмитрий Саввин (Томпо), 2. Прокопий Абрамов (Хаҥалас), 3. Виталий Заровняев (Горнай);

70 кг: 1. Ким Прокопьев (Бүлүү), 2. Егор Слепцов (Чурапчы), 3. Дамир Попов (Дьокуускай);

75 кг: 1. Андрей Ширяев (Нам), 2. Иван Болтунов (Булуҥ), 3. Федор Моякунов (Ленскэй);

80 кг: 1. Айсен Атастыров (Уус Алдан), 2. Виктор-Аман Хан (Чурапчы), 3. Алексей Крылов (Таатта-1);

90 кг: 1. Иннокентий Миронов (Өлүөхүмэ), 2. Сергей Николаев (Үөһээ Бүлүү), 3. Айтал Омукчанов (Ленскэй);

105 кг: 1. Альберт Слепцов (Абый), 2. Денис Слепцов (Үөһээ Халыма), 3. Юрий Михайлов (Сунтаар);

125 кг: 1. Роман Шмойлов (Уус Маайа), 2. Семен Варламов (Мэҥэ Хаҥалас), 3. Валерий Мандаров (Бүлүү);

125+ кг: 1. Никита Пестряков (Уус Алдан), 2. Альберт Данилов (Сунтаар), 3. Айсен Стручков (Мэҥэ Хаҥалас).

Дьахталлар:

50 кг: 1. Мичийэ Большакова (Сунтаар), 2. Мария Протопопова (Нам), 3. Арина Старостина (Абый);

55 кг: 1. Алина Ларионова (Уус Алдан), 2. Алена Акакиева (Орто Халыма), 3. Александра Варфоломеева (Горнай);

60 кг: 1. Александра Нарахаева (Хаҥалас), 2. Инесса Адамова (Амма), 3. Сардаана Андреева (Горнай);

65 кг: 1. Кристина Охлопкова (Амма), 2. Кэрэчээнэ Бродникова (Мэҥэ Хаҥалас), 3. Сардана Кулешова (Нам);

75 кг: 1. Элеонора Антонова (Ньурба), 2. Туйара Орлова (Таатта-2), 3. Анастасия Кобякова (Кэбээйи);

85 кг: 1. Юлия Прокопьева (Чурапчы), 2. Анастасия Соломонова (Хаҥалас), 3. Вероника Новгородова (Уус Алдан);

85+ кг: 1. Яна Бурцева (Мэҥэ Хаҥалас)), 2. Ольга Гуляева (Орто Халыма), 3. Екатерина Терешкина (Ньурба).

Бэтэрээннэр:

65 кг: 1. Дмитрий Березкин (Хаҥалас), 2. Федор Иванов (Чурапчы), 3. Егор Собакин (Кэбээйи);

75 кг: 1. Александр Брызгаев (Хаҥалас), 2. Илья Дыдаев (Чурапчы), 3. Владимир Басов (Таатта-2);

85 кг: 1. Александр Ноев (Чурапчы), 2. Валерий Николаев (Мииринэй), 3. Ньургун Уваров (Хаҥалас);

95 кг: 1. Валерий Саввинов (Үөһээ Бүлүү), 2. Василий Егоров (Уус Алдан), 3. Михаил Дьячковский (Амма);

95+ кг: 1. Юрий Протопопов (Бүлүү), 2. Николай Андреев (Өлөөн), 3. Любомир Николаев (Үөһээ Бүлүү).