Хаартыска: Дьулустаан Сергеев.
Чурапчыга мас тардыһыытыгар Саха сирин чөмпүйэнээтин бастакы күннээҕи күрэхтэһиитэ буолан ааста. Бу Манчаары оонньууларыгар уонна Арассыыйа чөмпүйэнээтигэр сүүмэрдиир күрэхтэһиинэн буолар. Бу туһунан СИА суруйар.
60 кг диэри ыйааһыҥҥа инники күөҥҥэ сылдьар, биһирэнэр мадьынылар лидер буолалларын бигэргэттилэр. Тэрээһин үөрүүлээх аһыллыытын иннинэ күрэхтэһии төрдүс эргиирэ түмүктэннэ. Ол курдук, Таатта улууһуттан Владимир Баишев Сунтаар улууһуттан сылдьар Арылхан Егоровы кытта көрүстэ. Мэҥэ Хаҥаластан Артур Жирков уустук киирсиигэ лидер быһыытынан кыаҕын ыһыктыбакка финалга диэри тиийдэ.
70 киилэҕэ диэри ыйааһыҥҥа финал аҥаарынааҕы кыттааччылар быһаарылыннылар. Ол курдук, биир күөн көрсүһүүгэ өрөспүүбүлүкэ хас да төгүллээх чөмпүйүөнэ Василий Чемпин Уус Алдан улууһуттан Максим Лыткины кытта киирсэр. Оттон Уус Алдантан Европа чөмпүйүөнэ Айсиэн Мигалкин Намтан сылдьар Егор Сивцевы кытта көрсөллөр. Бу ыйааһыҥҥа аан дойду 2023 сыллааҕы чөмүпүйүөнэ, Таатта улууһуттан Константин Жирков бастакы киирсиитигэр Чемпиҥҥа хотторон кэбистэ.
Эр дьоҥҥо 80 киилэҕэ диэри ыйааһыҥҥа төрдүс эргиир түмүктэннэ. Бэһискэ Дыгын оонньууларын хас төгүллээх призера Намтан Артем Варданян өрөспүүбүлүкэ чөмпүйэнээтигэр мэтээллээх Егор Свинобоевы кытта көрсүөҕэ. 2022 сыллааҕы аан дойду чөмпүйүөнэ Семен Ануфриев Горнай улууһуттан Николай Текеяновы тургутан көрүөҕэ. Финал аҥарыгар Мэҥэ Хаҥаластан Саха сирин чөмпүйүөнэ Андрей Винокуров таҕыста. Бу ыйааһыҥҥа бастакы эргииргэ Манчаары оонньууларын икки кыайыылааҕа Уус Алдантан Айсен Атастыров уонна Кэбээйиттэн Егор Гуляев күөн көрүстүлэр, бу уустук киирсиигэ бастакы мадьыны кыайыылааҕынан таҕыста эрээри, үһүс эргииргэ хотторон кэбистэ. Гуляев “Б” бөлөххө салгыы киирсэр.
125 киилэҕэ диэри ыарахан ыйааһыҥҥа финалга Дьокуускайтан Артём Ветров уонна Үөһээ Бүлүүттэн Эрчим Баппаҕай көрсүөхтэрэ.
Дьахталларга 50 киилэҕэ диэри ыйааһыҥҥа лидер быһыытынан Мэҥэ Хаҥаластан Анастасия Алексеева үһүс сылын эрэллээхтик кыттар, оттон 85 киилэттэн үөһэҕэ — Амматтан Татьяна Баишева.
Ахсынньы 6 күнүгэр Амма сэлиэнньэтин «Дружба» успуорт комплексыгар успуорт көрүҥүн бочуоттаах бэтэрээнэ Геннадий Васильевич Окороков…
Дьокуускайга икки эр киһи субуотаҕа балыктыы тахсан баран, дьиэлэригэр төннүбэтэхтэр. Кинилэри көрдүү бэнидиэнньиккэ үс быыһааччы…
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…