Хаартыска: ааптар тиксэриитэ
Бу күннэргэ Харбалаахтааҕы үөрэхтээһин холбоһугар мас ууһун уонна кыра массыыналары көрүү-истии, өрөмүөннээһин сатабылларын төһө иҥэриммиттэрин сыаналыыр улуустааҕы үөрэнээччилэр ортолоругар күрэх буолан ааста.
Билиҥҥи кэмҥэ уол оҕоҕо олус наадалаах сатабыллары төһө баһылаабыттарын көрүү, сыаналааһын кинилэр дьоҕурдара сайдарыгар улахан туһалаах уонна кэскиллээх тэрээһин буолар.
Массыынаны көрүү-истии уонна өрөмүөннээһин күрэҕин маастар Ксенофонтов Алексей Александрович сүрүннээн салайан ыытта. Түмүккэ Игидэйтэн кэлбит Потапов Вадим маҥнайгы миэстэни ылла. Иккистээх-үсүһү Харбалаахтааҕы үөрэхтээһин холбоһугун 10 кылааһын үөрэнээччилэрэ Винокуров Вадим уонна Иванов Сайаан үллэһиннилэр. Бу уолаттары С.В.Петров бэлэмнээн кытыннарда. Манна сыһыаран эттэххэ, Сергей Васильевич бэлэмнээбит Сердцев Евгенийэ икки сыл улууска бастаабыта, икки сыл өрөспүүбүлүкэҕэ 2 миэстэни ылан, Харбалаахтааҕы үөрэхтээһин холбоһугун ааттатан турар.
Аны мас ууһун идэтин баһылаабыт уол оҕо олоҕор толору бэлэмнээх буолара мөккүөрэ суох. Бу көрүҥү Рахматуллин Василий Нюрьевич салайан ыытта. Оҕолор бары сатабылларын туһанан киһи кэрэхсиир оҥоһуктарын уһанан таһаардылар.
Борисов Айтал -1 миэстэ, Чөркөөх.
Семенов Оскар Александрович- 2 миэстэ, Чөркөөх. Салайааччылара Богдокумов Иван Васильевич.
Васильев Ян — 3 миэстэ, Харбалаах, салайааччы Громов Андрей Альбертович.
Күрэххэ кыттыбыт бары үөрэнээччилэргэ сатабылгыт сайыннын, кэскиллээх дьон буолуҥ диэн бары бастыҥ баҕа санаабытын тиэрдэбит!
Валентина Кривошапкина, Харбалаах
Социальнай пуонда Саха сиринээҕи салаата биллэрбитинэн, 2025 с. тохсунньу ыйдааҕы биэнсийэни уонна босуобуйаны түҥэтии болдьоҕо…
Кэлэн иһэр 2025-с Моҕой сыла, астрологтар этэллэринэн, икки өрүттээх буолуоҕа: сорохторго ситиһии, үтүө уларыйыылар тосхойуохтара,…
Олохпун, үлэбин кэрэ абылаҥнаах үҥкүүгэ анаабыт кэрэ кэмнэрим дьонугар уонна кэнники аттыбар буолан олохпун күн…
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Сунтаарга бу күннэргэ үс күн устата Алквиад Иванов аатынан Оҕо спортивнай олимпийскай эрэллэри бэлэмниир оскуолаҕа…
Кэлиҥҥи сылларга ахсынньы биллэ сылаас буолбутун бары бэлиэтии көрөбүт. Сороҕор ол сылыйбытын мэлдьэһэр курдук кулун…