Хаартыска: www.sakha.gov.ru
Улуу Кыайыы 80 сылыгар аналлаах “Мас уустарын тойуга” өрөспүүбүлүкэтээҕи II бэстибээл-куонкурус аһылынна. Кыттааччылары Бырабыыталыстыба бэрэссэдээтэлин солбуйааччы Сергей Местников эҕэрдэлээтэ.
Кини тыл этэригэр Ил Дархан Айсен Николаев өйөбүлүнэн Саха сиригэр уус-уран идэни, илиинэн уһаныыны сайыннарарга туһаайыллыбыт кэккэ миэрэлэр ылыныллыбыттарыгар болҕомтону уурда. Ол иһигэр – уустарга, норуот маастардарыгар, олоҥхоһуттарга истипиэндьийэ. Норуот уус-уран оҥоһуктарын судаарыстыбаттан өйүүр Кэнсиэпсийэ ситиһиилээхтик үлэлиир.
“Бүгүн үгэскэ кубулуйбут уус-уран оҥоһуктарынан уонна декоративнай-прикладной айымньы эйгэтигэр 4 тыһ. тахса талааннаах киһи дьарыктанар, итинтэн 316 маастар “СӨ норуотун маастара” бочуоттаах ааты сүгэр, 726 – “СӨ норуотун уус-уран оҥоһугун маастара ааты”, – диэн вице-премьер эттэ.
Сергей Местников “Мас уустарын тойуга” бэстибээл-куонкуруһу ыытыы суолталааҕын бэлиэтээтэ. “Бүгүн бэстибээлгэ көрдөрүллүбүт маастардар бэйэлэрэ айбыт үлэлэрин Саха сирин олохтоохторун санаатын көтөҕөр, көлүөнэттэн көлүөнэҕэ харыстабыллаахтык бэриллэн иһэр Саха сирин үгэстэрин, ускуустубатын илэ көрдөрөр”, – диэн Сергей Местников эттэ.
“Мас уустарын тойуга” өрөспүүбүлүкэтээҕи II бэстибээл-куонкуруска Нам, Таатта, Мэҥэ Хаҥалас, Томпо, Амма, Горнай, Уус Алдан, Чурапчы, Мииринэй улуустарыттан уонна Дьокуускай куораттан сүүрбэттэн тахса биллиилээх маастар муһунна. Кинилэр төрүт сахалыы оҥоһуктары оҥоруунан дьарыктаналлар: кырыымпа, ох саа, чороон уонна мас иһит-хомуос.
Биллиилээх маастардар уонна эдэр талааннар тэрээһин иитинэн уопуттарын атастаһыахтара, маастар-кылаастарга уонна сахалыы оҕунан ытыы күрэһигэр кыттыахтара, экэниэмикэ аныгы усулуобуйатыгар төрүт оҥоһуктары сайыннарыы боппуруостарын ырытыһыахтара. Маны таһынан, икки күн устата төрүт сахалыы ох, чороон уонна кырыымпа оҥоруохтаахтар. Бэстибээл кыттааччыларын сатабылларын култуура эйгэтигэр киэҥник биллэр эспиэртэр уонна Саха сирин уһулуччулаах норуот маастардара киирбит дьүүллүүр сүбэ сыаналыаҕа.
Ил Дархан уонна Бырабыыталыстыба пресс-сулууспата.
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…
Ахсынньы 15 күнүгэр Арассыыйа үрдүнэн Кипр визатын биэрэр аҕыс киин аһылынна. Урут визаны консульствоттан эрэ…
«Төрүт тыл» сахалыы үлэлиир логопедтар мэтэдиичэскэй холбоһуга тэрийбит «Төрөөбүт төрүт тылы көннөрөн сайыннарыыга аналлаах мэтэдиичэскэй…
Быйыл өрөспүүбүлүкэ балыыһаларыгар 45 саҥа көлө бэрилиннэ. Көлөлөр доруобуйа харыстабылын бастакы сүһүөх звенотун үлэтигэр туһанарга…
Билиҥҥи кэм биир уһулуччулаах режиссера, СӨ ускуустубатын үтүөлээх диэйэтэлэ, тыйаатыр уонна киинэ режиссера, Арассыыйа Тыйаатырдарын…
Ыччат дьыалаларыгар Федеральнай ааҕыныстыба салайааччыта Григорий Гуров Дьокуускайга "Патриот" элбэх өҥөнү оҥорор ыччат киинин аһыллыытынан…