Масленица: хас билиинчиги биирдэ сиэххэ сөбүй?

Арассыыйаҕа олунньу 24 күнүттэн кулун тутар 2 күнүгэр диэри Масленицаны бэлиэтииллэр. Норуот үгэһинэн, бу күннэргэ элбэх арыылаах билиинчиги астыыр биһирэнэр. 

Доруобуйаҕа куттала суохтук бырааһынньыгы хайдах атаарар туһунан диетолог-быраас, мэдиссиинискэй наукалар хандьыдаата Елена Соломатина РБК Лайф саайтка санаатын үллэстибит.

Кини эппитинэн, эт-сиин өттүнэн кыахтаах, доруобай киһи икки-үс билиинчиги тэҥинэн сиэтэҕинэ туох да буолбат эбит. Ол эрээри, бу билиинчик тугунан начыыннаммытыттан, арыылааҕыттан-сыалааҕыттан эмиэ тутулуктаах.

Куртах, оһоҕос, үөс, ноор, быар ыарыылаах дьон сэрэнэн бырааһынньыктыылларыгар быраас сүбэлиир. Биир билиинчик ыарыыны аҕалыан сөп.

Маны таһынан, Соломатина билиинчиги кытта тымныы ууну, гаастаах утахтары иһэртэн туттунарга сүбэлиир. Бу искэ ас буһуутун быһаардыан сөп.