Хаартыска: "Городская ферма"
Бүгүҥҥүттэн, олунньу 24 күнүттэн, Масленица нэдиэлэтэ саҕаланна. Сыл аайы Масленица хаһан буолара уларыйа сылдьар. Быйыл олус эрдэ саҕаланна. Бу Улуу пост иннинээҕи нэдиэлэ быйыл кулун тутар 2 күнүгэр түмүктэниэҕэ.
Масленица нэдиэлэтин күннэрэ туспа ааттаахтар, үгэстэрдээхтэр.
Бэнидиэнньик — «Встреча». Кутаа оттон, Кыһын чуучалатын оҥорон, ырыа-тойук, оонньуу, көр-нар саҕаланара. Астаабыт билиинчиктэрин кыамматтарга, дьадаҥыларга бэрсэллэрэ.
Оптуорунньук — «Заигрыши». Хаҥкылааһын, хачыаллааһын, сыарҕалаах акка хатааһылааһын, сыыртан сырылааһын, хаар кириэппэстэрин оҥоруу, хаарынан бырахсыы, араас оонньуу тэриллэрэ.
Сэрэдэ — «Лакомка». Билиинчик бөҕөтүн буһаран баран, аймахтарын ыҥыртыыллара.
Чэппиэр — «Широкий четверг». Сарсыардааҥҥа диэри күүлэйдииллэрэ.
Бээтинсэ — «Тещины вечерки». Күтүөттэр ийэ кынныларын күндүлүүллэр.
Субуота — «Золовкины посиделки». Кийииттэр дьүөгэлэрин, аймах кыргыттарын ыҥыртаан, маанылаһаллара.
Баскыһыанньа — «Прощеное воскресенье». Дьэ, ити курдук аһаан, күүлэйдээн баран, бу күн бэйэ-бэйэлэригэр бэлэх бэрсэллэрэ, бырастыы гынарга көрдөһөллөрө, Улуу Пост хааччахтааһыннарын тутуһарга бэлэмнэнэллэрэ.
Бу күн Кыһын чуучулатын уматаллара. Онтон православнай христианнарга Пасхаҕа диэри 40 күннээх Улуу Пост саҕаланар.
Масленица нэдиэлэтин икки кэмҥэ араараллар: Кыараҕас уонна Киэҥ. Бастакы үс күн бэлэмнэнии күннэрэ, хаһаайыстыбаннай үлэнэн дьарыктаныахха сөп. Онтон чэппиэртэн Киэҥ Масленица саҕаланнаҕына, ыарахан үлэни үлэлиир бобуллар. Араас дьаарбаҥкалар, күүлэйдэр ыытыллан, хардарыта ыалдьыттаһыы, үгэстэри толоруу буолар.
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…