Массыынаҕар кыһыҥҥы хатыылаах көлөһө эрэһиинэтин уларыттын дуо?
02.06.2024, 13:30
Хаартыска: куйаар аһаҕас ситимиттэн
Бөлөххө киир:
Бу ыйтан сайыҥҥы кэмҥэ кыһыҥҥы хатыылаах көлөһө эрэһиинэлээх тимир көлө суоппардарын ыстарааптыахтара.
Арассыыйаҕа кыһыҥҥы хатыылаах көлөһө эрэһиинэлээх тимир көлөҕө бэс ыйын 1 күнүттэн балаҕан ыйын 1 күнүгэр диэри айан сырыы бобуллар. Маннык ирдэбил дойду Бырабыыталыстыбатын уурааҕынан 2023 сыл балаҕан ыйын 1 күнүгэр ылыллыбыта.
Ирдэбили тутуспат суоппардарга административнай ыстараап көрүллэр. Ол курдук, буруйданааччылар 500 солк. ыстарааптаныахтара. Онуоха кыһыҥҥы «липучка» көлөһө эрэһиинэлээх тимир көлөҕө бу ирдэбил тарҕаммат.
Чуолаан, олоххо киирбит уурааҕынан сайыҥҥы кэмҥэ суоппар бэс ыйын 1 күнүттэн балаҕан ыйын 1 күнүгэр диэри тимир көлөтүгэр кыһыҥҥы хатыылаах көлөһө эрэһиинэтин туһанар буоллаҕына, бастакы сырыытыгар сэрэтии ылар, онтон иккис сырыытыгар 500 солк. ыстарааптанар.
+1
2
+1
+1
+1
+1
1
+1
+1
Сообщить об опечатке
Текст, который будет отправлен нашим редакторам: