Массыына көрбүтэ буола сылдьан, төлөпүөн уорбут

ИДьМ Уус Алданнааҕы отделын дьуһуурунай чааһыгар эр киһи суотабай төлөпүөнүн уонна баан каартатын уордарбытын туһунан иһитиннэрбитин туһунан СӨ ИДьМ пресс-сулууспата суруйар.

Суһал-ирдиир тэрээһиннэри ыытан, холуобунай ирдэбил үлэһиттэрэ Дьокуускайтан төрүттээх, эрдэ сууттана сылдьыбыт 31 саастаах киһи уорбаланарын быһаарбыттар.

Эмсэҕэлээччи массыынатын атыылаары гыммыт, ону уорбаланааччы атыылаһаары көрө кэлбит. Хаһаайын атыҥҥа аралдьыйбытыгар, суотабай төлөпүөнү уорбут, онно чехол иһигэр баан каартата баар эбит. Онтон «Мобильный банк» сыһыарыыттан 10 тыһ.солк. харчыны уорбут. Төлөпүөнү бэйэтигэр хаалларбыт, харчыны туттубут.

Уоруунан холуобунай дьыала тэрилиннэ.