Массыына муус анныгар түстэ

Бүгүн сарсыарда 112 нүөмэргэ 8 чаас чугаһыгар муус анныгар массыына түспүтүн туһунан иһитиннэрии киирбит.

ЯСИА сурулларынан бу Дьокуускайга Өлүөнэ эбэни туоруурга Промышленнай микрооройуон диэки диэн этиллэр. Иһитинэриллибитинэн 5 киһи массыынаттан тахсыбыт, 3 киһи, ол иһигэр 1 оҕо кыайан тахсыбакка хаалбыттар.

Миэстэтигэр тиийэн ыксаллаах быһыы-майгы управлениетыттан 3 быыһааччы (УГОЧС), биир тиэхиньикэ, «СӨ Быыһыыр сулууспата» ГБУ 10 быыһааччы үлэлииллэр.