Массыына оптуобуһу кытта харсыста

Бэҕэһээ, алтынньы 3  күнүгэр, «Лена» федеральнай суолга «Тойота Приус» уонна ПАЗ оптуобус харсыспыттар.

Ол курдук «Тойота Приус» массыына суоппара суол халтараанын учуоттаабакка, уруулун сатаан салайбакка, утары суолга тахсан оптуобустуун харсыспыт. Харсыһыы түмүгэр «Тойота Приус» массыына суоппара эчэйиилэри ылбыт, олорсон испит дьахтар Нерюнгри киин балыыһатыгар киирэн баран тыына быстыбыт. Оттон оптуобус суоппара туох да буолбатах. Бу туһунан Госавтоиниспиэксийэ пресс-сулууспата иһитиннэрэр.

Билигин сайыҥҥы көлүөһэлэри кыһыҥҥыга уларытар кэм кэлбитин, суолга ыксаабакка, массыыналар икки ардыларынааҕы тэйиччи буолууну тутуһуҥ диэн Госавтоиниспиэксийэ  управлениета сэрэтэр.