Мария Васильева хаартыската, ЯСИА.
2026 сыл тохсунньу 12 күнүгэр Дьокуускай куорат суута 2006 сыллаах төрүөх Дьокуускай олохтооҕор сыһыаннаах холуобунай дьыаланы көрдө. Кини РФ Холуобунай кодексатын 264-с ыстатыйатын 4-с чааһын “а”, “б”, “в” пууннарынан буруйданна. Бу ыстатыйанан суол быраабылатын кэспит, ол түмүгэр дьон өлүүтэ тахсыбыт, итирик туруктаах, бырааба суох уруулга олорбут эбэтэр бырааба быһыллыбыт уонна саахал буолбут сириттэн куоппут киһи буруйданар.
Суут быһаарбытынан, 2025 сыл алтынньы 3 күнүн киэһэтигэр Дьокуускайга буруйданааччы «Nissan Skyline» массыынаны ыытан иһэн, утары суолунан чааска 100 км-тэн тахса түргэнинэн Ленин проспега уонна Хабаров уулуссатын быһа охсуһуутугар светофор кыһыл уотугар киирэн “Toyota Ractis” массыынаны кытта харсыбыт. Суоппар итирик туруктаах уонна массыына ыытар бырааба суох эбит диэн СӨ сууттарын холбоһуктаах пресс-сулууспалара иһитиннэрэр.
Массыына саахалын түмүгэр «Toyota Ractis» массыынаҕа олорсон испит дьахтар эт-хаан араас эчэйиитин ылан балыыһаҕа киирэн өлбүт. Дьахтар 8 ыйдаах хат эбит. Оҕону быыһыыр кыаллыбатах. Бу саахалга өссө 2017 сыллаах төрүөх оҕо уонна 1988 сыллаах төрүөх суоппар эчэйбиттэр.
Буруйданааччы саахал тахсыбыт сириттэн күрээбит.
Суукка буруйданааччы бэйэтин буруйун толору билиммит. Холуобунай дьыала кэмигэр хомуллубут уонна суут мунньахтарыгар бэрэбиэркэлэммит дакаастабыллар түмүктэринэн, суут буруйданааччыны буруйдааҕынан ааҕан 9 сылга уопсай эрэсиимнээх хаайыыга ыытарга уонна массыынаны ыытар быраабын 2 сыл 6 ый быһарга уурда.
Ону таһынан, буруйданааччыттан эмсэҕэлээччигэ 5 000 000 солкуобай моральнай хоромньу төлөтөргө уураахтаата.
Бириигэбэр суокуоннай күүһүгэр киирэ илик.
Тохсунньу 29 - олунньу 1 күннэригэр Красноярскай куоракка көҥүл тустууга сезон биир саамай сүрүн күрэхтэһиитэ…
Нам улууһун полициятын дьуһуурунай чааһыгар балыыһаттан биир дьахтар балыыһа үлэһиттэригэр төбөтүгэр эчэйиилээх кэлбитин уонна “бэйэм…
Анал байыаннай дьайыыга Саха сирин олохтоохторо туох кыахтаахтарынан көмөлөһөллөр. Бары Кыайыы туһугар кылааттарын киллэрэллэр. Бу…
Липецкэй уобаласка биир ХЭУо үлэлиир 9 дьахтар нэдиэлэҕэ 36 чаас оннугар 40 чаас үлэлээтибит диэн…
Инфраструктурнай эбийиэктэри тутуу, саҥардыы туһунан Ил Дархан Айсен Николаев уонна Таатта улууһун быһылыга Айаал Бурцев…
Дэкириэккэ олорор кэмнэригэр хат буолбут дьахталларга икки босуобуйаны тэҥинэн биэрэр туһунан этии көтөҕөллөр: хат буолуу,…