Хаартыска СӨ Суолга куттал суох буолуутун кэтиир иниспиэксийэтин архыыбыттан
Олунньу 4 күнүгэр күнүс Дьокуускай куорат Хабаров уонна Ярославскай уулуссаларын быһа охсуһууларыгар суол быһылаана тахсыбыта, дьон эмсэҕэлээбитэ. Ол күн тута иһитиннэриини кыайан ылбатахпыт. Оттон бүгүн ол туһунан Суолга куттал суох буолуутун кэтиир иниспиэксийэ отделын пропагандаҕа бөлөҕө иһитиннэрдэ.
Бэрэбиэркэлээһин түмүгүнэн, 1989 с.т. суоппар «ПАЗ» оптуобуһунан 202 мкр. диэкиттэн кэлэн иһэн, суол быһа охсуһуутугар светофор бобуулаах уота тыган турдаҕына айаннаан, 1993 с.т. киһи ыытан испит «Toyota Fielder» уонна 1980 с.т. киһи суоппардаах «Toyota Wish» мааркалаах массыыналарын кытары харсыста.
Саахал түмүгэр «Toyota Fielder» мааркалаах массыынаҕа олорсон испит 2011 уонна 2012 сыллаах төрүөх саастарын ситэ илик оҕолор эчэйдилэр.
Бу кэмҥэ айаннаан испит дьон бары куттал суох буолуутун анал курунан баанан олорбуттар.
Оптуобус суоппара суол уонна халлаан туругун учуоттаабатаҕын, ол түмүгэр атын массыыналары кытары харсыһыы таҕыста диэн быһаарбыт. Хата, кини дьолугар оптуобуска соҕотох айаннаан испит.
Саахал тахсыбытынан административнай силиэстийэ ыытыллар.
Суолга куттал суох буолуутун кэтиир иниспиэксийэ отделын пропагандаҕа бөлөҕө халлаан сылыйан, суол мууһуран халтараан үөскүүр, сорох сиринэн хаардыыр, онон суоппардар уонна сатыы сылдьар дьон сэрэнэн, быраабыланы тутуһан сылдьаргытыгар көрдөһөр. Эһиги илиигитигэр дьон дьылҕата баарын умнубаккытын сэрэтэр.
Суолга куттал суох буолуутун кэтиир иниспиэксийэтин ТК ылылынна.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…